বাইকেৰে দেশ ভ্ৰমণত এগৰাকী সাংবাদিক

এই যাত্ৰাৰ ফ্লেগ অফ কৰে অসম পৰ্যটন উন্নয়ন নিগমৰ অধ্যক্ষ জয়ন্ত মল্ল বৰুৱাই৷

গুৱাহাটী,6মাৰ্চ: অসমৰ কলা সংস্কৃতিৰ বাৰ্তা লৈ ভাৰত ভ্ৰমণ কাৰ্যসূচীৰে ওলাই আহিছে এজন অসমীয়া সাংবাদিক । সাংবাদিকগৰাকীয়ে মটৰ চাইকেলেৰে ভ্ৰমণ কৰিব দেশৰ আটাইকেইখন ৰাজ্য ।

মুঠ ৩৪ দিনীয়া কাৰ্যসূচীৰে সাংবাদিক দেৱল কুমাৰ নাথে বুধবাৰে গুৱাহাটীৰ পৰা যাত্ৰা আৰম্ভ কৰি কন্যাকুমাৰী আৰু শ্ৰীনগৰ হৈ পুনৰ গুৱাহাটীত উপস্থিত হ'ব ৷ বুধবাৰে পুৱা নেহৰু ষ্টেডিয়ামৰ পৰা আৰম্ভ কৰা যাত্ৰাৰ ফ্লেগ অফ কৰে অসম পৰ্যটন উন্নয়ন নিগমৰ অধ্যক্ষ জয়ন্ত মল্ল বৰুৱাই ৷

উল্লেখ্য যে দেৱল কুমাৰ নাথ হৈছে "দ্যা আছাম ট্ৰিবিউন" কাকতৰ জ্যেষ্ঠ সাংবাদিক ।