গুৱাহাটী, 13 আগষ্ট : ৰাজ্যৰ বান পৰিস্থিতি উন্নত হৈছে যদিও বানৰ কৱলৰ পৰা সম্পূৰ্ণ মুক্ত হোৱা নাই ৰাজ্য । বৰ্তমানেও ৰাজ্যৰ তিনিখন জিলা বানৰ কৱলত আছে । ধেমাজি, বাক্সা আৰু মৰিগাঁও জিলাৰ বহু অঞ্চল এতিয়াও বাঢ়নী পানীৰ তলত আছে আৰু এই জিলা তিনিখনত ১৪ হাজাৰতকৈও অধিক লোক প্ৰভাৱিত হৈ আছে ।
যোৱা দুমাহত দুটাকৈ প্ৰলয়ংকাৰী বানৰ কৱলত পৰা ৰাজ্যৰ বান পৰিস্থিতি বৰ্তমান যথেষ্ট উন্নত হৈছে যদিও এতিয়া বহু অঞ্চল সম্পূৰ্ণভাৱে মুক্ত হোৱা নাই বানপানীৰ কৱলৰ পৰা । ধেমাজি,বাক্সা আৰু মৰিগাঁও জিলাৰ বহু অঞ্চল এতিয়াও বাঢ়নী পানীৰ তলত আছে । তিনিওখন জিলাৰ ৪টা ৰাজহ চক্ৰৰ ৮১খন গাঁৱৰ কিছু অঞ্চল এতিয়াও বাঢ়নী পানীৰ তলতে আছে । বৰ্তমানেও বানপানীৰ তলত থকা এই গাঁও সমূহৰ ১৪হাজাৰতকৈও অধিক লোক বানপানীৰ ফলত প্ৰভাৱিত হৈ আছে । বৰ্তমান কেৱল ধেমাজি জিলাতে এটা চৰকাৰী আশ্ৰয় শিবিৰ আছে য'ত ৭৩গৰাকী লোক আশ্ৰয় লৈ আছে ।