নিউজ ডেস্ক, 10 আগষ্ট : ৰাজ্যত ভয়ংকৰ ৰূপত দিনক দিনে বৃদ্ধি পাই আছে ক’ভিড-19 ৰ আক্ৰান্ত ৰোগীৰ সংখ্যা ৷ সোমবাৰৰ দিনটোত পুনৰ নতুনকৈ মুঠ 2900 গৰাকী লোকৰ দেহত ধৰা পৰে কৰ’ণা ভাইৰাছৰ উপস্থিতি ৷ ইয়াৰে 382 গৰাকী হৈছে কামৰূপ মেট্ৰ’ৰ আনহাতে কামৰূপ গ্ৰাম্যৰ 294 গৰাকী, ডিব্ৰুগড়ৰ 250 গৰাকী আৰু নগাঁৱৰ 200 গৰাকী ৷
ইপিনে যোৱা 24 ঘণ্টাত ৰাজ্যখনত মুঠ 60425 গৰাকী লোকৰ ক’ভিড পৰীক্ষা সম্পন্ন কৰা হৈছে ৷ য’ত 2900 গৰাকী লোক ক’ভিড পজিটিভ ধৰা পৰিছে বুলি স্বয়ং স্বাস্থ্যমন্ত্ৰী ড0 হিমন্ত বিশ্ব শৰ্মাই টুইট যোগে প্ৰকাশ কৰিছে ৷