সফলতাৰে সম্পন্ন জটিল অস্ত্ৰোপচাৰ

অস্ত্ৰোপচাৰৰ পিচতেই আয়ুৰচন্দ্ৰা হাস্পতালৰ সংবাদমেল

গুৱাহাটী,১৩ মাৰ্চ: আয়ুৰচন্দ্ৰা হাস্পতালত জটিল অস্ত্ৰোপচাৰ সম্পন্ন কৰি বুধবাৰে এক সংবাদমেল আয়োজন কৰে হাস্পতাল কৰ্তৃপক্ষই । উল্লেখ্য যে কিছুদিন পূৰ্বে বৰপেটাৰ চাহজামাল আলী নামৰ এজন যুৱক নাৰেংগী ৰে'ল ষ্টেচনৰ পৰা বৰপেটালৈ যাত্ৰা কৰোতে কোনো দুৰ্বৃত্তই মাৰধৰ কৰি ৰে'লৰ পৰা পেলাই দিয়ে । যাৰ ফলত ৰে'লৰ খুন্দাত হাত-ভৰি কাটি গুৰুতৰভাৱে আহত হয় যুৱকজন ।

এই ঘটনাৰ পাচত অতি সংকটজনক অৱস্থাত যুৱকজনক গুৱাহাটী চিকিৎসা মহাবিদ্যালয়ত ভৰ্তি কৰোৱা হয় যদিও উন্নত চিকিৎসাৰ বাবে নিয়া হয় আয়ুৰচন্দ্ৰা হাস্পতাললৈ । ইপিনে বুধবাৰে এই যুৱকজনৰ জটিল অস্ত্ৰোপচাৰ সফলতাৰে সম্পন্ন কৰি প্ৰাণ ৰক্ষা কৰিবলৈ সক্ষম হয় চিকিৎসকসকল । বৰ্তমান সুস্থ হৈ উঠিছে বুলি সংবাদমেলত উল্লেখ কৰে হাস্পতাল কৰ্তৃপক্ষই ।