নিউজ ডেস্ক, 24 জানুৱাৰী : সমাগত ৰাজ্যৰ 2021 চনৰ বিধানসভা নিৰ্বাচন ৷ বিধানসভা নিৰ্বাচনৰ পূৰ্বেই 190 টা ভোটকেন্দ্ৰক বিদেশী সুৰা আৰু দেশীয় সুৰাৰ প্ৰতি সংবেদনশীল ঘোষণা কৰা হৈছে ৷ ৰাজ্যৰ আৱকাৰী বিভাগে প্ৰকাশ কৰিছে এই বিশেষ তথ্য ৷ নিৰ্বাচন আয়োগে প্ৰকাশ কৰা সংবেদনশীল আৰু অতি সংবেদনশীল ভোটকেন্দ্ৰৰ তালিকাৰ পিচতেই এই তথ্য প্ৰকাশ কৰিছে ৰাজ্যৰ আৱকাৰী বিভাগে ৷ মুঠ 12 খন জিলাত 190 টা ভোটকেন্দ্ৰক এইদৰে চিনাক্ত কৰিছে ৰাজ্যৰ আৱকাৰী বিভাগে ৷
পূৰ্বৰ বিধানসভা নিৰ্বাচনৰ সময়ত ভোটকেন্দ্ৰ কেইটাত সংঘটিত হোৱা হিংসাত্মক কাৰ্য আৰু অন্যান্য অঘটনকাৰী ঘটনাৰ বাবেই আগন্তুক বিধানসভা নিৰ্বাচনৰ পূৰ্বে মুঠ 12 খন জিলাত 190 টা ভোটকেন্দ্ৰক এইদৰে সুৰাৰ প্ৰতি সংবেদনশীল ঘোষণা কৰিছে আৱকাৰী বিভাগে ৷