ডিব্ৰুগড়, 26 নৱেম্বৰ : ডিব্ৰুগড়ৰ লেপেটকটাত সংঘটিত পথ দুৰ্ঘটনাত 6 জনকৈ লোকে প্ৰাণ হেৰুওৱা ঘটনাত গভীৰ শোক প্ৰকাশ কৰিছে মুখ্যমন্ত্ৰী সৰ্বানন্দ সোণোৱালে ৷ আনহাতে, দুৰ্ঘটনাৰ ফলত আহতসকলৰ আশু-আৰোগ্য কামনাৰ লগতে তেওঁলোকৰ উপযুক্ত চিকিৎসাৰ ব্যৱস্থা কৰিবলৈ জিলা প্ৰশাসনক নিৰ্দেশ দিছে মুখ্যমন্ত্ৰীগৰাকীয়ে ৷
উল্লেখ্য যে, ডিব্ৰুগড়ৰ লেপেটকটাত ভয়ংকৰ পথ দুৰ্ঘটনাই একেলগে প্ৰাণ কাঢ়িলে 6 গৰাকী লোকৰ ৷ বৰযাত্ৰী কঢ়িয়াই অনা এখন বলেৰ' বাহনে 37 নং ৰাষ্ট্ৰীয় ঘাইপথৰ দাঁতিতে ৰখাই থোৱা এখন ট্ৰেইলাৰত খুন্দা মৰাৰ ফলতে দুৰ্ঘটনাটো সংঘটিত হৈ বলেৰ' খনত থকা ছয় গৰাকী লোকৰ মৃ্ত্যু হয় ৷