ডিব্ৰুগড়ৰ কাৰাগাৰত ক’ভিড আক্ৰান্ত হৈছে অৰ্ধ শতাধিক

কৰ’ণাৰ সংক্ৰমণৰ পৰা বাদ পৰা নাই ৰাজ্যৰ কেন্দ্ৰীয় কাৰগাৰৰ পৰা আৰম্ভ কৰি জিলা কাৰাগাৰৰ কয়দীসকল ৷ আলফা (স্বা)ৰ জোষ্ঠ নেতা জীৱন মৰাণ কৰ’ণাত আক্ৰান্ত যদিও সুস্থ অৱস্থাত আছে বুলি জানিব পৰা গৈছে ৷

ডিব্ৰুগড়, 19 মে’: কৰ’ণাৰ দ্বিতীয় ঢৌ'ত ব্যাপকভাৱে আক্ৰান্ত হৈছে ৰাজ্যবাসী ৷ ইতিমধ্যে ৰাজ্যত আক্ৰান্ত হৈছে হাজাৰ হাজাৰ লোক ৷ কামৰূপ জিলাৰ পাছতেই আটাইতকৈ বেছিকৈ লোক আক্ৰান্ত হৈছে ডিব্ৰুগড় জিলাত ৷ কৰ’ণাক ভয়াৱহ সংক্ৰমণৰ পৰা বাদ পৰা নাই ৰাজ্যৰ কেন্দ্ৰীয় কাৰগাৰৰ পৰা আৰম্ভ কৰি জিলা কাৰাগাৰৰ কয়দীসকল ৷

ৰাজ্যৰ অইন কাৰাগাৰৰ দৰে ডিব্ৰুগড়ৰ কেন্দ্ৰীয় কাৰাগাৰত ভয়াৱহ গণ সংক্ৰমণ হোৱা বুলি জানিব পৰা গৈছে ৷ বুধবাৰৰ দিনটোত ডিব্ৰুগড়ৰ কেন্দ্ৰীয় কাৰাগাৰত 52 গৰাকীকৈ কয়দী কৰ’ণাত আক্ৰান্ত হৈছে ৷

আলফা নেতা জীৱন মৰাণকে ধৰি 52 গৰাকী কাৰাবন্দী ক'ভিডত আক্ৰান্ত হৈছে যদিও জীৱন মৰাণ বৰ্তমানেও সুস্থ অৱস্থাত আছে বুলি কাৰাগাৰ কৰ্তৃপক্ষই জানিবলৈ দিয়ে ৷ উল্লেখ্য যে, জীৱন মৰাণক কিছুদিন পূৰ্বে কৰ’ণাৰ পৰীক্ষা কৰাত নিগেটিভ আহিছিল যদিও বুধবাৰে পুনৰ পৰীক্ষা কৰাত আলফা নেতাগৰাকীৰ দেহত কৰ’ণাৰ উপস্থিতি ধৰা পৰে ৷

বুধবাৰৰ দিনটোত ডিব্ৰুগড়ত 7 গৰাকী কৰ’ণাত আক্ৰান্ত হোৱা ৰোগীৰ মৃত্যু হোৱাৰ লগতে নতুনকৈ আক্ৰান্ত হৈছে 413 গৰাকীকৈ ব্যক্তি ৷ বৰ্তমান লৈ জিলাখনত 8471 জন আক্ৰান্ত হোৱাৰ লগতে 96 গৰাকী কৰ’ণাত আক্ৰান্তৰ মৃত্যু হৈছে ৷ বৰ্তমানেও জিলাখনত সক্ৰিয় ৰোগীৰ সংখ্যা 4206 গৰাকী ৷

লগতে পঢ়ক :অসমলৈও আহিল "ব্লেক ফাংগাছ", প্ৰথমজন ৰোগীৰ মৃত্যু