পূৱ বিলাসীপাৰা, 1 নৱেম্বৰ : ধুবুৰী-কোকৰাঝাৰ জিলাৰ সীমান্তৱৰ্তী ঢোলমাৰাত আদিবাসীসকলৰ কৰম উৎসৱত উপস্থিত হয় ছালাকাটি পৰিষদীয় সমষ্টিৰ এমচিএলএ দেৰহাছাত বসুমতাৰী ৷ জ্যেষ্ঠজনৰ আগত আঠু লৈ উৎসৱৰ কাৰ্য্যসূচীত অংশগ্ৰহণ কৰে বসুমতাৰীয়ে ৷
আনহাতে উৎসৱৰ মাজতে সাংবাদিকৰে সৈতে হোৱা বাৰ্তালাপত ইউপিপিএল দলক লৈ সোচ্চাৰ হৈ পৰে বসুমতাৰী ৷ বসুমতাৰীৰ মতে, বিটিএডিৰ পৰিষদীয় নিৰ্বাচনত দুখনৰ পৰা তিনিখনহে আসন পাব দলটোৱে ৷ আজিৰ দিনত দলটো কোনো নাম ল'বলগীয়া ৰাজনৈতিক দল হৈ থকা নাই ৷ বিটিএডিত হাগ্ৰামাৰ নেতৃত্বতে চৰকাৰ গঠন হ'ব বুলি 100 শতাংশ আশাবাদী বসুমতাৰী ৷ ৰাইজ UPPL দলৰ প্ৰতি কোনোধৰণেই আকৰ্ষিত হোৱা নাই ৷ বিজেপিয়ে বিটিএডিৰ পৰিষদীয় নিৰ্বাচনত যিমানখন আসন আশা কৰিছে সিমান আসন নাপাব ৷ বিটিএডিৰ পৰিষদীয় নিৰ্বাচনত বিজেপিয়ে বিপিএফৰ একো ক্ষতিসাধন কৰিব নোৱাৰে ৷
ইউপিপিএল শূণ্যৰ বাহিৰে একো নহয় : দেৰহাছাত বসুমতাৰী