বিলাসীপাৰাবাসীৰ বাবে সুখবৰ !

বিলাসীপাৰা ৰেলৱে ষ্টেচনৰ পৰা শিলিগুড়িলৈ চলিল প্ৰথমখন ৰেল

বিলাসীপাৰা, 27 মাৰ্চ : নিউ ময়নাগুৰী-যোগীঘোপা সংযোগী ৰেলপথৰ বিলাসীপাৰাৰ নৱ নিৰ্মিত ৰেল ষ্টেচনৰ পৰা বুধবাৰে চলিল প্ৰথমখন ৰেল | বিলাসীপাৰা আস্থানৰ পৰা শিলিগুড়িলৈ পৰীক্ষণমূলকভাৱে চলোৱা হয় প্ৰথমখন ৰেল | ৰেল বিভাগৰ উচ্চ পদস্থ বিষয়াই উদ্বোধন কৰা ৰেলখনে বিলাসীপাৰাৰ পৰা যাত্ৰা কৰে শিলিগুড়িলৈ ৷ ইপিনে দীৰ্ঘদিনীয়া দাবী পূৰণ হোৱাত আত্মাহাৰা হৈ পৰা বিলাসীপাৰাবাসীয়ে প্ৰথমখন ৰেলৰ চলাচল চাবলৈ পুৱাই উপস্থিত হয় ষ্টেচনটোত ৷