কাকপথাৰত তামোলৰ ঢকুৱাৰে প্লেট প্ৰস্তুতকৰণৰ মেচিন স্থাপন

কাকপথাৰৰ আলফাৰ যুদ্ধবিৰতি শিবিৰত ৰোৱেল ডেভল'পমেণ্ট ট্ৰাষ্ট প্ৰগেমৰ আচাম টিম আৰু অসম কাৰিকৰী উন্নয়ন মিচনৰ উদ্যোগত তামোলৰ ঢকুৱাৰে প্লেট প্ৰস্তুতকৰণৰ দুটাকৈ মেচিন স্থাপন কৰা হয় ৷

কাকপথাৰ,১২মে' : দেওবাৰে কাকপথাৰৰ আলফাৰ যুদ্ধবিৰতি শিবিৰত ৰোৱেল ডেভল'পমেণ্ট ট্ৰাষ্ট প্ৰগেমৰ আচাম টিম আৰু অসম কাৰিকৰী উন্নয়ন মিচনৰ উদ্যোগত তামোলৰ ঢকুৱাৰে প্লেট প্ৰস্তুতকৰণৰ দুটাকৈ মেচিন স্থাপন কৰা হয় । কাকপথাৰৰ যুদ্ধবিৰতি শিবিৰত বলিন চেতিয়াই এই ক্ষুদ্ৰ উদ্যোগটোৰ শুভ উদ্বোধন কৰে । কাকপথাৰৰ যুদ্ধবিৰতি শিবিৰত স্থাপন কৰা এই শুভাৰম্ভণি অনুষ্ঠানত বিধায়কগৰাকীৰ সৈতে আৰ্ট অৱ লিভিঙৰ ভগ্নী সংগঠনৰ উত্তৰ পূবৰ পৰিচালিকা মৌচুমী শৰ্মা বৰপুজাৰী আলফা শিবিৰৰ কেদাৰসকল উপস্থিত থাকে ।

উল্লেখযোগ্য যে ,এই ক্ষুদ্ৰ উদ্যোগৰ জৰিয়তে ১০০ৰ পৰা ১৫০ নিবনুৱাই স্বাৱলম্বী হোৱাৰ লগতে বৃহত্তৰ অঞ্চলটোৰ নিবনুৱা যুৱক-যুৱতীয়ে উপকৃত হ'ব পৰাকৈ এক প্ৰশিক্ষণ শিবিৰৰো ব্যৱস্থা কৰা হ'ব বুলি মন্তব্য কৰে উদ্যোক্তাসকলে । ইফালে, দুটা মেচিনৰ দ্বাৰা দৈনিক ৮ ঘণ্টাত প্ৰায় ডেৰসহস্ৰাধিক ঢকুৱাৰ প্লেট প্ৰস্তুত কৰিব পাৰিব বুলি অনুষ্ঠানত উপস্থিত বিভাগীয় বিষয়া সকলে জানিবলৈ দিয়ে ।