গোলাঘাটত মহিলা সভানেত্ৰীৰ ৰণচণ্ডী ৰূপ

গোলাঘাট জিলাৰ খুমটাইৰ মেলামৰাত চুলাই সেৱনকাৰীক উত্তম মাধ্যম শোধালে মহিলা সমিতিৰ সভানেত্ৰীয়ে

গোলাঘাট,১১মে' : গোলাঘাট জিলাৰ খুমটাইৰ মেলামৰাত ৰণচণ্ডী ৰূপ ধাৰণ কৰিলে মহিলা সমিতিৰ এগৰাকী সভানেত্ৰীয়ে । দিন-দুপৰতে অঞ্চলটোৰ এজন ব্যক্তিয়ে চুলাই সেৱন কৰা বাবে গছত বান্ধি উত্তম-মধ্যম সোধালে মহিলা সমিতিৰ সভানেত্ৰী ৰেখা শইকীয়াই । মেলামৰা অঞ্চলটো মদমুক্ত এখন নিকা সমাজ গঢ়াৰ ক্ষেত্ৰত মহিলা সমিতিয়ে গুৰুত্বপূৰ্ণ ভূমিকা গ্ৰহণ কৰি আহিছে বুলি সভানেত্ৰীগৰাকীয়ে মন্তব্য কৰি কয় ইয়াত আৰক্ষীয়েও একো কৰিব নোৱাৰে । ইয়াত আমি চুলাই বন্ধ কৰিছো আৰু চুলাই সেৱন কৰা লোকক আমি শাস্তি প্ৰদান কৰিমেই ।