বিজেপিৰ এক তোলা সোণত লাভাম্বিত মুছলমান সম্প্ৰদায়ঃ হাগ্ৰামা মহিলাৰী

"এসময়ত এনডিএফবিয়ে এবছু নেতাক হত্যা কৰি এতিয়া একেলগে ইউপিপিএল দলৰ প্ৰাৰ্থী উৰ্খাও গৌৰা ব্ৰহ্মক জয়ী কৰিবলৈ ৰাইজক আভুৱা ভাৰিছে ৷ এনডিএফবিয়ে বহু বড়ো নেতাক হত্যা কৰিছে আৰু আন জনগোষ্ঠীৰ ওপৰত অত্যাচাৰ কৰিছে তৎসত্বেও এবছু এতিয়া এনডিএফবিৰ সৈতে লগ হৈ নিৰ্বাচনী যুঁজত অৱতীৰ্ণ হৈছে

কোকৰাঝাৰ ১২ এপ্ৰিল : মানুহ হত্যা কৰা দলক ভোট নিদিবলৈ আহ্বান হাগ্ৰামা মহিলাৰীৰ ৷ শুকুৰবাৰে কোকৰাঝাৰ বনৰগাওঁৰ খাগ্ৰাবাৰীত অনুষ্ঠিত নিৰ্বাচনী প্ৰচাৰ সভাত অংশ লৈ এনেদৰে মন্তব্য কৰে মহিলাৰীয়ে ৷ ভাষণ প্ৰসংগত হাগ্ৰামাই কয়, "এসময়ত এনডিএফবিয়ে এবছু নেতাক হত্যা কৰি এতিয়া একেলগে ইউপিপিএল দলৰ প্ৰাৰ্থী উৰ্খাও গৌৰা ব্ৰহ্মক জয়ী কৰিবলৈ ৰাইজক আভুৱা ভাৰিছে ৷ এনডিএফবিয়ে বহু বড়ো নেতাক হত্যা কৰিছে আৰু আন জনগোষ্ঠীৰ ওপৰত অত্যাচাৰ কৰিছে তৎসত্বেও এবছু এতিয়া এনডিএফবিৰ সৈতে লগ হৈ নিৰ্বাচনী যুঁজত অৱতীৰ্ণ হৈছে । এনডিএফবিয়ে এবছুৰ কাৰ্যালয়,বজাৰ, বড়ো জনগোষ্ঠীৰ নেতাকে ধৰি কিমান ঠাইত কিমান গুলীচালনা কৰিছে সেয়া ৰাইজে পাহৰা নাই ৷ সেয়েহে এবছু , এনডিএফবি সমৰ্থিত প্ৰাৰ্থী উৰ্খাও গৌৰা ব্ৰহ্মক ভোটাৰ ৰাইজে কাহানিও ভোট নিদিয়ে । এনেদৰে বিস্ফোৰক মন্তব্য প্ৰকাশ কৰে বিটিচি প্ৰধান হাগ্ৰামা মহিলাৰীয়ে ।

আনহাতে, নৱ কুমাৰ শৰণীয়া এইবাৰ কোনো ফেক্টৰেই নহয় বুলি উল্লেখ কৰি বিপিএফৰ বিজয় নিশ্চিত বুলি দাবী কৰে হাগ্ৰামা মহিলাৰীয়ে ৷ লগতে নিৰ্বাচনী প্ৰচাৰ অভিযান হাগ্ৰামা মহিলাৰীয়ে মিত্ৰ দল বিজেপি চৰকাৰৰ উন্নয়নৰ ক্ষতিয়ান দাঙি ধৰি বিজেপিৰ এক তোলা সোণত আটাইতকৈ মুছলমান লোকে লাভবান হৈছে বুলি বিতৰ্কিত মন্তব্য কৰে মহিলাৰীয়ে ৷

তাৰোপৰি মহিলাৰীয়ে মোডী চৰকাৰে মুছলমান লোক লাভাম্বিত হোৱাকৈ আচঁনি হাতত লৈছে বুলি উল্লেখ কৰি কেন্দ্ৰত পুনৰ বিজেপি চৰকাৰ আহিলে বিটিচিবাসী লোকৰ বাবে পঞ্চাশ পইচাত এক কিলো চাউল আৰু এক তোলা সোণ বৃদ্ধি কৰি দুই তোলা সোণ দিয়াৰ দাবী উত্থাপন কৰিব বুলিও মন্তব্য কৰে ৷