চাহ হোটেলৰ কৰ্মচাৰীৰ পুত্ৰই লাভ কৰিলে ডিষ্টিংচন

বাইহাটাৰ চাৰিআলিৰ আগডলাৰ উদ্ধৱ ডেকাৰ পুত্ৰ কৌশিক ডেকাই হাইস্কুল শিক্ষান্ত পৰীক্ষাত ৮৭ শতাংশ নম্বৰেৰে লাভ কৰিলে ডিষ্টিংচন ৷

বাইহাটা,১৬মে' : বাইহাটা চাৰিআলিৰ আগডলাৰ উদ্ধৱ ডেকা আজি অত্যন্ত আনন্দিত আৰু সুখী । কিয়নো উদ্ধৱ ডেকাৰ পুত্ৰ কৌশিক ডেকাই বুধবাৰে ঘোষিত হোৱা হাইস্কুল শিক্ষান্ত পৰীক্ষাত 87 শতাংশ নম্বৰেৰে লাভ কৰিলে ডিষ্টিংচন । অতি দৰিদ্ৰ পৰিয়ালৰ কৌশিকৰ পিতৃ উদ্ধৱ এখন চাহ হোটেলৰ কৰ্মচাৰী । সামান্য উপাৰ্জনেৰে কৌশিকৰ পিতৃয়ে নিজ ঘৰ চলোৱাৰ উপৰিও কৌশিকক সম্পূৰ্ণ পঢ়াৰ খৰচ বহন কৰিছিল । কৌশিকৰ এই সাফল্যত পিতৃৰ লগতে অঞ্চলবাসী অতি আনন্দিত । ইফালে ভৱিষ্যতে এগৰাকী প্ৰশাসনিক বিষয়া হোৱাৰ ইচ্ছা থকা কৌশিকৰ মাতৃয়েও বিভিন্ন বিত্তীয় প্ৰতিষ্ঠানৰ পৰা টকা ধাৰলৈ লৈ পুত্ৰৰ পঢ়াৰ বাবদ বহন কৰিছিল খৰচ ।