নেশ্যনেল ডেস্ক,১৯ মে':আইপিএফটিৰ নেতা তথা ত্ৰিপুৰাৰ ৰাজহ মন্ত্ৰী এন চি দেৱবৰ্মাৰ বিৰুদ্ধে প্ৰতিবাদ । মন্ত্ৰীগৰাকীয়ে বুধবাৰে এক ৰাজনৈতিক কাৰ্যসূচীৰ সভাপতিত্ব কৰি থকা সময়তে তেওঁৰ গৃহ সমষ্টি তাকাৰজালা অঞ্চলত তেওঁৰ বিৰুদ্ধে প্ৰতিবাদ সাব্যস্ত কৰে একাংশ লোকে । অৱশ্যে স্থানীয় আইপিএফটি সমৰ্থকসকলে দাবী কৰে যে টিপ্ৰা মোথাৰ সমৰ্থকসকলে উদ্দেশ্য প্ৰণোদিতভাৱে এই প্ৰতিবাদ সাব্যস্ত কৰে ।
এক সূত্ৰৰ মতে দেববৰ্মাই পুৱা তাকাৰজালা কমিউনিটি হলত এক দলীয় কাৰ্যসূচীত অংশগ্ৰহণ কৰিবলৈ গৈছিল । সেই অনুসৰি, আৰক্ষীৰ কটকটীয়া নিৰাপত্তা বেষ্টনী গঢ়ি তোলা হৈছিল । দুপৰীয়া প্ৰায় ১ মান বজাত একাংশ লোকে ক'লা পতাকা লৈ কমিউনিটি হলৰ সন্মুখত একত্ৰিত হ'বলৈ আৰম্ভ কৰে । আৰক্ষীয়ে লগে লগে প্ৰতিবাদকাৰীক ৰোধিবলৈ বেৰিকেড স্থাপন কৰে ।
তাৰ পিছতে সমবেত লোকসকলে ক'লা পতাকা উৰুৱাবলৈ আৰম্ভ কৰে আৰু মন্ত্ৰীজনৰ বিৰুদ্ধে মূৰ্দাবাদ ধ্বনিৰে উত্তাল কৰি তোলে । আনকি প্ৰতিবাদকাৰীসকলে বহু সময় ধৰি পথ অৱৰোধ কৰি ৰাখে যাৰ বাবে মন্ত্ৰীগৰাকী সেই ঠাইৰ পৰা প্ৰস্থান কৰাত পলম হৈছিল । প্ৰতিবাদকাৰীসকলৰ অভিযোগ নেতাগৰাকীয়ে টিটিএএডিচি অঞ্চলসমূহৰ উন্নয়নমূলক কাৰ্যকলাপ স্থগিত ৰাখিছে ।
আইপিএফটি দলৰ এক সূত্ৰই অভিযোগ কৰা মতে টিটিএএডিচিৰ শাসনাধিষ্ঠ টিপ্ৰা মোথাৰ নেতৃত্বত হৈছিল এই প্ৰতিবাদ । লগতে টিপ্ৰা মোথাই আইপিএফটিক নিশ্চিহ্ন কৰি টিটিএএডিচি অঞ্চলত তেওঁলোকৰ এটা পাৰ্টি শ্ব' চলাবলৈ চেষ্টা চলোৱাৰ অভিযোগ তোলে ।
উল্লেখ্য যে আইপিএফটি দলে সদ্যসমাপ্ত টিটিএএডিচি নিৰ্বাচনত এন চি দেব্বাৰ্মাৰ প্ৰাৰ্থীয়ে তেওঁৰ দুৰ্গ তাকাৰজালাত টিআইপিআৰএ মোথাৰ সভাপতি প্ৰদ্যুত কিশোৰ দেববৰ্মনৰ হাতত পৰাজিত হৈছিল ।
লগতে পঢ়ক:কি এই ব্লেক ফাংগাছ ? কৰিবলগীয়া আৰু নকৰিবলগীয়...
