নেশ্যনেল ডেস্ক, ১৪ নৱেম্বৰ :দেশত আৰক্ষীয়ে মাওবাদী বিৰোধী অভিযান (Anti-Maoist campaign) অব্যাহত ৰাখিছে । এনে এক অভিযানৰ মাজতে মহাৰাষ্ট্ৰত নিহত শীৰ্ষ মাওবাদী কামাণ্ডাৰ মিলিন্দ তেলটুম্বডে (Maoist commander Milind Teltumbde) । মহাৰাষ্ট্ৰৰ গড়চিৰোলী জিলাৰ ধানোৰা অঞ্চলত মাওবাদী বিৰোধী আৰক্ষীৰ দল আৰু মাওবাদীৰ মাজত হোৱা সংঘৰ্ষত শনিবাৰে নিহত হয় শীৰ্ষ মাওবাদী নেতাজন ।
মিলিন্দ তেলটুম্বডে মাওবাদী সংগঠনৰ কেন্দ্ৰীয় আঞ্চলিক সমিতিৰ সদস্য আছিল । তেওঁ মহাৰাষ্ট্ৰ, ছত্তিশগড়, তেলেংগানা, অন্ধ্ৰ প্ৰদেশ আৰু ওড়িশাত এজন সক্ৰিয় মাওবাদী হিচাপে আছিল । মাওবাদী নেতাজনৰ ওপৰত চৰকাৰে ৫০ লাখ টকাৰ পুৰস্কাৰো ঘোষণা কৰি থৈছিল ।
মাওবাদী নেতা মিলিন্দ তেলটুম্বডে ওৰফে সহ্যদ্ৰী নী দীপক, যৱতমাল জিলাৰ ৱানী ব্লকৰ ৰাজুৰৰ বাসিন্দা আছিল । সমগ্ৰ দেশতে মাওবাদীৰ কাৰ্যকলাপত গুৰুত্বপূৰ্ণ ভূমিকা পালন কৰিছিল এইগৰাকী মাওবাদী নেতাই ।
অভিযান্ত্ৰিক শিক্ষা লাভ কৰা মিলিন্দ তেলটুম্বডে যোৱা ৩০ বছৰ ধৰি মাওবাদী আন্দোলনত সক্ৰিয় হৈ আছিল । তেওঁ নিষিদ্ধ মাওবাদী কমিউনিষ্ট পাৰ্টিৰ (Maoist Communist Party) ৰাজ্যিক সচিবো আছিল । তেওঁ মহাৰাষ্ট্ৰ-মধ্য প্ৰদেশ-ছত্তিশগড় অঞ্চল অৰ্থাৎ এমএমচি অঞ্চল (MMC Zone) স্থাপনত গুৰুত্বপূৰ্ণ ভূমিকা পালন কৰিছিল আৰু সেই অঞ্চলৰ তেওঁ সৰ্বোচ্চ নেতা আছিল ।
লগতে পঢ়ক :Southern Zonal Councilৰ বৈঠকত উপস্থিত থাকিব গৃহমন্ত্ৰী অমিত শ্বাহ
