নেশ্যনেল ডেস্ক, ১০ এপ্ৰিল: নেশ্যনেল ডেস্ক, ১০ এপ্ৰিল: পূৰ্বে অনুমান কৰা ধৰণে ত্ৰিপুৰা জনজাতীয় অঞ্চল স্বায়ত্ব শাসিত পৰিষদৰ নিৰ্বাচনত বিজেপিয়ে মুখ ঠেকেচা খোৱাৰ সম্ভাৱনা প্ৰবল হৈ উঠিছে । কিয়নো, ভোটগণনাৰ প্ৰাৰম্ভিক পৰ্যায়লৈ লক্ষ্য কৰিলে প্ৰদ্যুৎ কিশোৰ দেৱবৰ্মন নেতৃত্বাধীন টি আই পি আৰ এ ম'থাৰ বিজয় যাত্ৰাৰ ইংগিত দেখা যায় ।
নৱগঠিত টি আই পি আৰ এই ২৮ খন আসনৰ ভিতৰত ১০ খন আসনত টি আই পি আৰ এ আগবাঢ়ি আছে । আনহাতে, বিজেপি-আইপিএফটি মিত্ৰজোঁট দুখন আসনত আগবাঢ়ি আছে । বিৰোধী চি পি আই(এম) এখন আসনত আগবাঢ়ি আছে বুলি জানিব পৰা গৈছে ।
আনন্দত আত্মহাৰা ত্ৰিপুৰাৰ ভিন্ন প্ৰান্তৰ টি আই পি আৰ এৰ কৰ্মীসকল তাকাৰজালা-জামপুইজালা সমষ্টিৰ পৰা নিৰ্বাচনত প্ৰতিদ্বন্দিতা কৰা প্ৰদ্যুৎ কিশোৰ দেৱবৰ্মনে আন প্ৰতিদ্বন্দীসকলৰ তুলনাত অগ্ৰগতিৰ ক্ষেত্ৰত অভিলেখ ৰচিছে । উক্ত সমষ্টিটো শাসনাধিষ্ঠিত আই পি এফ টি প্ৰধান তথা ৰাজ্যখনৰ ৰাজহ মন্ত্ৰী এন চি দেৱবাৰ্মাৰ দুৰ্গ বুলি গণ্য কৰা হয় ।
একে ধৰণৰ ছবি জিৰাণিয়া সমষ্টিতো পৰলক্ষিত হয়, য'ত টি আই পি আৰ এৰ মিত্ৰজোঁট সমৰ্থিত আই এন পি টিৰ সাধাৰণ সম্পাদক জগদীশ দেৱবাৰ্মা যথেষ্ট সংখ্যক ভোটত আগবাঢ়ি আছে । এই সমষ্টিটোৰ পৰা চি পি আই এম দলৰ প্ৰাক্তন মুখ্য কাৰ্যবাহী সদস্য ৰাধাচৰণ দেৱবাৰ্মায়ো প্ৰতিদ্বন্দিতা কৰিছে । বিজেপিয়ে দুটা সমষ্টিত আগবাঢ়ি আছে । ভোটগণনাৰ অন্তিম পৰ্যায়ত ফলাফল উন্নীত হব বুলি আশা কৰিছে দলৰ নেতাসকলে ।
চি পি আই(এম) আৰু কংগ্ৰেছৰ এক সূত্ৰই কয় যে, তেওঁলোকে গণনা সমাপ্ত হোৱালৈ অপেক্ষা কৰিব । ইফালে, টি আই পি আৰ এ ম'থাৰ সমৰ্থকসকলে ৰাজ্যখনৰ কেইবা ঠাইত আনন্দত আত্মহাৰা হোৱা পৰিলক্ষিত হৈছে । উল্লেখ্য যে, ১,২০০টাৰো অধিক কেন্দ্ৰত ভোটগ্ৰহণ হৈছিল আৰু ৮ লাখতকৈও অধিক ভোটাৰে ভোটাধিকাৰ সাব্যস্ত কৰিছিল ।
লগতে পঢ়ক:কৰ'ণাত আক্ৰান্ত আৰএছএছৰ মুৰব্বী মোহন ভাগৱত
