নেশ্যনেল ডেস্ক, ৮ নৱেম্বৰ: মঙলবাৰে উত্তৰ প্ৰদেশৰ বাৰাবাঁকীৰ চুমলী নদীত সংঘটিত হয় এক ভয়ংকৰ নাও দুৰ্ঘটনা (Boat Accident in UP) ৷ সেই সময়ত যাত্ৰীবাহী নাওখনত আছিল ২০ গৰাকী যাত্ৰী ৷ হঠাৎ নাওখন ডুব যোৱাৰ ফলত দুটি শিশুসহ তিনিজন লোকৰ মৃত্যু হয় (Boat carrying 20 people capsizes) ।
নিহত কেইজন প্ৰিয়ংকা (৫), হিমাংশু (৮) আৰু ঋতু যাদৱ (১৮) বুলি জানিবলৈ দিয়ে । বাকী কেইগৰাকীৰ পৰিচয় বৰ্তমানলৈকে জানিব পৰা হোৱা নাই ৷ ইফালে এই দুৰ্ঘটনাত শোক প্ৰকাশ কৰিছে উত্তৰ প্ৰদেশৰ মুখ্যমন্ত্ৰী যোগী আদিত্যনাথে ৷ শোক প্ৰকাশ কৰি মুখ্যমন্ত্ৰীগৰাকীয়ে ক্ষতিগ্ৰস্ত পৰিয়ালসমূহক তাৎক্ষণিকভাৱে সহায় কৰিবলৈ বিষয়াসকলক নিৰ্দেশ দিছে ।