নেশ্যনেল ডেস্ক,10 অক্টোবৰ: ৰাজস্থানৰ মুখ্যমন্ত্ৰী অশোক গেহলটে(Rajasthan Chief Minister Ashok Gehlot) দেওবাৰে ৰাজ্যখনৰ বিদ্যাধৰ নগৰত ৰেগৰ জনগোষ্ঠীৰ এক সমাৱেশত অংশগ্ৰহণ কৰি নিজ দলৰ সমৰ্থনত ভাষণ প্ৰদান কৰে মুখ্যমন্ত্ৰী গেহলটে ৷ গান্ধী পৰিয়ালৰ সদস্যসকলক কোনেও গুৰুত্ব নিদিয়ে, দলটোৰ ভোট লাভৰ সক্ষমতা নাই আৰু সকলোৱে 'ননচেঞ্চ' বুলি দলটোক বৰ্খাস্ত কৰে জাতীয় এক উৰা বাতৰি প্ৰচাৰ হোৱা পৰিলক্ষিত হৈছে যদিও এয়া ভিত্তিহীন বুলি স্পষ্ট কৰি দিয়ে গেহলটে ৷ দলটোৰ ভিতৰ চৰাত কোনো ধৰণৰ অন্তঃকন্দল নাই বুলিও স্পষ্ট কৰি দিয়ে ৰাজস্থানৰ মুখ্যমন্ত্ৰীগৰাকীয়ে ৷
'গান্ধী পৰিয়ালক কোনেও গুৰুত্ব নিদিয়ে । ভোট লাভ কৰাৰ ক্ষমতা গান্ধী পৰিয়ালৰ নাই'- এই সকলোবোৰ আলোচনাই ভিত্তিহীন বুলি গেহলটে উপস্থিত ৰাইজৰ আগত কয় ৷ শাসনাধিষ্ঠিত বিজেপিয়ে দাবী কৰা বুলি উল্লেখ কৰি তেওঁ কয় যে গান্ধী পৰিয়ালৰ ভোট আকৰ্ষণ কৰাৰ ক্ষমতা নাই(Gandhi family has no power to attract votes), কিন্তু বাস্তৱিকতে দেশৰ জনসাধাৰণে ছোনিয়া গান্ধী, ৰাহুল গান্ধী আৰু প্ৰিয়ংকা গান্ধীক বিশ্বাস কৰে ।
ৰাজস্থানৰ মুখ্যমন্ত্ৰীগৰাকীয়ে পুনৰ কয় যে কংগ্ৰেছ দল দেশৰ য'তেই উপস্থিত হয় ততেই দলটোয়ে লাভ কৰি আহিছে লাখ লাখ লোকৰ সমৰ্থন । ৰাজস্থান কংগ্ৰেছত অন্তঃকন্দল চলি আছে বুলি প্ৰতিদিনে বাতৰি কাকতত প্ৰচাৰ হোৱা পৰিলক্ষিত হৈছে ৷ এনে উৰা বাতৰি প্ৰচাৰৰ দ্বাৰা লাভৱান হ’ব কেৱল বিজেপি দল ৷ পৰবৰ্তী চৰকাৰ আমিয়েই গঠন কৰিম বুলি আমি বদ্ধপৰিকৰ । সেয়া বাস্তৱায়িত কৰিবলৈ প্ৰয়োজন জনসাধাৰণৰ আশীৰ্বাদৰ ' বুলি গেহলটে কয় ৷