নেচিফু সুৰংগৰ নিৰ্মাণ সম্পূৰ্ণ তেজপুৰ, ১৭ মাৰ্চ:বহু অপেক্ষাৰ অন্তত অৱশেষত অৰুণাচল প্ৰদেশৰ ভাৰত-চীন সীমান্তলৈ যোৱা পশ্চিম কামেং জিলাৰ নেচিফু সুৰংগৰ নিৰ্মাণ সমাপ্তি ঘটিল । মে' মাহত প্ৰতিৰক্ষা মন্ত্ৰী ৰাজনাথ সিঙে এই সুৰংগ মুকলি কৰাৰ সম্ভাৱনা আছে । ভাৰত-চীন সীমান্তলৈ যোৱা অৰুণাচল প্ৰদেশৰ বালিপৰা-চাৰিদুৱাৰ-টাৱাং সংযুক্ত ২১৮ নং ৰাষ্ট্ৰীয় ঘাইপথৰ ওপৰত নিৰ্মাণ হোৱা দুটা সুৰংগৰ দায়িত্বত আছে ব'ৰ্ডাৰ ৰোডছ অৰ্গেনাইজেছনৰ প্ৰজেক্ট ভৰ্টক (Project Vartak of Border Roads Organisation) ।
সীমান্তৰ অত্যন্ত স্পৰ্শকাতৰ অঞ্চলসমূহত উন্নয়নৰ লক্ষ্যৰে প্ৰধানমন্ত্ৰী নৰেন্দ্ৰ মোদীয়ে ২০১৯ চনত অৰুণাচল প্ৰদেশৰ ৰাজধানী ইটানগৰৰ পৰা ৰিম'টৰ জৰিয়তে এই সুৰংগৰ আধাৰশিলা স্থাপন কৰিছিল ৷ পৰৱৰ্তী সময়ত ব'ৰ্ডাৰ ৰোডছ অৰ্গেনাইজেছনে সুৰংগ দুটাৰ কাম সম্পন্ন কৰিছিল । টাৱাং জিলাৰ চেলা পাছত নিৰ্মাণ হোৱা সুৰংগটোৰ দুটা টিউব আছে আৰু ই সাগৰ পৃষ্ঠৰ ১৩,৮০০ ফুট উচ্চতাত নিৰ্মাণ হোৱা পৃথিৱীৰ ভিতৰত প্ৰথমটো দুই লেনযুক্ত সুৰংগ (Nechifu tunnel in Arunachal) ।
লগতে পঢ়ক:Arunachal chopper crash: পশ্চিম কামেং জিলাত সেনাৰ হেলিকপ্টাৰ দুৰ্ঘটনাগ্ৰস্ত
এই সুৰংগ দুটাৰ ভিতৰত জৰুৰী সেৱাসমূহ ২৪ ঘণ্টাই উপলব্ধ হ’ব ৷ ইতিমধ্যে নিৰ্মাণ সমাপ্তি হোৱা নেচিফু সুৰংগৰ দৈৰ্ঘ ৫০০ মিটাৰ আৰু ই টাৱাং সংযোগী পথৰ দূৰত্ব ৭ কিলোমিটাৰ দূৰত্ব হ্ৰাস কৰিব (Nechiphu Tunnel) ৷ সীমান্তলৈ যোৱা ভাৰতীয় সেনাবাহিনীৰ লোক আৰু অন্যান্য সুৰক্ষা বাহিনীৰ লগতে পৰ্যটকৰ বাবে ই অতি সুগম হৈ পৰিব । কাৰণ অৰুণাচল প্ৰদেশৰ পথ বিশেষকৈ টাৱাং সংযোগী পথত সংঘটিত হোৱা ভূমিস্খলন আৰু তুষাৰপাতৰ বাবে বহু সময়ত সেনাৰ কনভয় পাৰ হোৱাত বহু সময়ৰ প্ৰয়োজন হয় ৷ সম্প্ৰতি এই দুটা সুৰংগই সমস্যাৰ অন্ত পেলাব বুলি আশা কৰা হৈছে (Advantages of Nechiphu Tunnel) ।
নেচিফু সুৰংগ মে' মাহৰ প্ৰথম ভাগত মুকলি কৰা হ’ব বুলি জানিবলৈ দিয়ে ব্ৰিগেডিয়ে ৰমন কুমাৰে । তেওঁ কয় যে, কোভিডৰ বাবে বিগত দুটা বছৰ নিৰ্মাণৰ কামত কিছু প্ৰত্যাহ্বানৰ সন্মুখীন হ’ব লগা হৈছিল ৷ পৰৱৰ্তী সময়ত প্ৰত্যাহ্বান আওকাণ কৰি ব’ৰ্ডাৰ ৰোডছে দ্ৰুত গতিত এটা সুৰংগৰ নিৰ্মাণ সম্পূৰ্ণ কৰিলে আৰু আনটো চেলা পাছৰ সুৰংগৰ জুন মাহত সম্পূৰ্ণ হৈ উঠিব (Road contraction at Indo China border) ।
লগতে পঢ়ক:Cheetah chopper crash: হেলিকপ্টাৰ দুৰ্ঘটনাত শ্বহীদ দুই সেনা বিষয়ালৈ অন্তিম শ্ৰদ্ধাঞ্জলি
আনহাতে, ব’ৰ্ডাৰ ৰোডছে টাৱাং জিলাৰ লুংলা মহকুমাৰ জেমিথাং ৰাজহ চক্ৰৰ অধীনত খেনজিমণি জেমিথাং পথ, যি পথৰে তিব্বতিয়ান ধৰ্মগুৰু দালাই লামাই প্ৰৱেশ কৰিছিল ৷ সেই পথটোৰ ৭ কিলোমিটাৰ দৈর্ঘৰ পথ নতুনকৈ নিৰ্মাণ সম্পূৰ্ণ কৰিলে বুলি তেওঁ জানিব দিয়ে । দালাই লামাই ১৯৫৯ চনত চীনে তিব্বত অধিগ্ৰহণ কৰি ভাৰত আক্ৰমণ কৰাৰ পূৰ্বে এই পথেদি ভাৰতত প্ৰৱেশ কৰিছিল (Dalai Lama in India)।
