নিউজ ডেস্ক , ৩১ জানুৱাৰী : শেহতীয়াকৈ পুৰুষৰ ভাৰতীয় ক্ৰিকেট দলটোৱে অষ্ট্ৰেলিয়াৰ বিৰুদ্ধে ঐতিহাসিক বিজয় সাব্য়স্ত কৰাৰ পিছতে সকলো ফালে প্ৰশংসাৰ বৰষুণ পৰা দেখিবলৈ পোৱা গৈছিল । ভাৰতীয় ক্ৰিকেট দলটোৰ কেইবগৰাকী মুখ্য খেলুৱৈৰ আঘাত আৰু নিয়মীয়া অধিনায়ক বিৰাট কোহলীৰ অনুপস্থিতিত অষ্ট্ৰেলিয়াৰ বিৰুদ্ধে টেষ্ট শৃংখলাত ঐতিহাসিক বিজয় সাব্য়স্ত কৰাত গৌৰন্বিত প্ৰধানমন্ত্ৰী নৰেন্দ্ৰ মোডীও । দলটোৰ প্ৰচেষ্টাক প্ৰধানমন্ত্ৰী মোদীয়ে দেওবাৰে তেওঁৰ 'মন কি বাত' সম্বোধনত যথাযথভাৱে প্ৰশংসা কৰা দেখ যায় । তেওঁ দেশবাসীক উদ্দেশি কয় যে এই মাহত খেল পথাৰৰ পৰাও ভাল খবৰ আহিছে । লগতে কয় যে দলটোৰ কঠোৰ পৰিশ্ৰম আৰু দলটোৰ কাম অনুপ্ৰেৰণাদায়ক ।
প্ৰধানমন্ত্ৰী গৰাকীৰ এই প্ৰশংসাৰ পিছতে বিজয়ী দলটোৰ মুখ্য় প্ৰশিক্ষক ৰবি শাস্ত্ৰীয়ে টুইটযোগে প্ৰধানমন্ত্ৰী গৰাকীক ধন্য়বাদ জ্ঞাপন কৰে । লগতে তেওঁ কয় যে অষ্ট্ৰেলিয়াত ভাৰতীয় ক্ৰিকেট দলৰ শেহতীয়া বিজয়ৰ ওপৰত প্ৰধানমন্ত্ৰী নৰেন্দ্ৰ মোদীৰ প্ৰশংসাৰ কথাবোৰে ভৱিষ্যতে অধিক চাপত খেলা খেলসমূহৰ বাবে দলটোক সাহস যোগাব।