নেশ্যনেল ডেস্ক,১৬ মাৰ্চ: ৰাষ্ট্ৰীয় অনুসন্ধানকাৰী সংস্থাই পুনৰ আন এক কৌশলেৰে উদ্যোগপতি মুকেশ আম্বানিৰ বাসগৃহৰ সমীপৰ বোমাতংকৰ ৰহস্য ভেদ কৰাৰ চেষ্টা কৰিব । আম্বানিৰ বাসগৃহ এণ্টিলিয়াৰ সমীপত চিচিটিভিত দেখা পোৱাৰ দৰে পিপিই কিট পিন্ধি থকা ব্যক্তিজন ভাৰতৰ সন্ত্ৰাসবাদ বিৰোধী টাস্ক ফ'ৰ্চৰ বিষয়া শচীন ৱেজ আছিল নে নাই, সেই কথা নিশ্চিত কৰাৰ উদ্দেশ্যেৰে, ৰাষ্ট্ৰীয় অনুসন্ধানকাৰী সংস্থাই চিচিটিভিত সংৰক্ষিত হোৱাৰ দৰে একে দৃশ্য পুনৰ সৃষ্টি কৰিব ।
যোৱা ২৫ ফেব্ৰুৱাৰীত আম্বানিৰ বাসগৃহৰ সমীপত বোমাতংকৰ ঘটনাৰ তদন্তৰ সময়ত মহাৰাষ্ট্ৰ আৰক্ষীৰ এজন 'এনকাউণ্টাৰ বিশেষজ্ঞ' শচীন ৱেজ সংস্থাটোৰ লগত তদন্তৰ বাবে আহিছিল । জানিব পৰা মতে, ৰাষ্ট্ৰীয় অনুসন্ধানকাৰী সংস্থাটোৱে অধিক তথ্য লাভৰ বাবে ৱেজক জেৰা কৰাৰ লগতে আৰু চিচিটিভি ফুটেজ পুনৰ পৰীক্ষা কৰিব বিচাৰিছে । বিশেষ সূত্ৰৰ তথ্য অনুসৰি, পাঁচজন স্বতন্ত্ৰ সাক্ষীৰ সন্মুখত উক্ত দৃশ্যটো পুনৰ সৃষ্টি কৰা হ'ব ।