নিউজ ডেস্ক, ১৪ মাৰ্চ :মঙলবাৰে মহাৰাষ্ট্ৰত চৰকাৰী আৰু অৰ্ধ-চৰকাৰী কৰ্মচাৰীসকলে পুৰণি পেঞ্চন আঁচনি ৰূপায়ণৰ দাবীত ৰাজ্যজুৰি ধৰ্মঘটৰ আহ্বান জনায় (Mahararashtra govt employees strike demanding OPS) । অৱশ্যে পুৰণি পেঞ্চন আঁচনি সন্দৰ্ভত মুখ্যমন্ত্ৰী একনাথ সিন্দে (Chief Minister Eknath Shinde) আৰু উপ-মুখ্যমন্ত্ৰী দেৱেন্দ্ৰ ফাৰনভিছৰ সৈতে হোৱা বৈঠকৰ পিছত ইউনিয়নে ধৰ্মঘট প্ৰত্যাহাৰ কৰাৰ কথা ঘোষণা কৰে (Maharashtra govt employees strike called off) । কৰ্মচাৰী সংঘৰ নেতা সম্ভাজী থোৰাটে ধৰ্মঘট প্ৰত্যাহাৰ কৰাৰ কথা ঘোষণা কৰিছে ।
আনহাতে, কৰ্মচাৰীসকলে ধৰ্মঘট কৰাৰ পিচত চৰকাৰৰ সৈতে এক বৈঠক অনুষ্ঠিত হয় (Maharashtra Employees Union meeting with CM) । বৈঠকত মুখ্যমন্ত্ৰী একনাথ সিন্দেয়ে সমস্যা সমাধানৰ বাবে সংশ্লিষ্ট কৰ্তৃপক্ষক গুৰুত্বপূৰ্ণ নিৰ্দেশনা প্ৰদান কৰে । ইয়াৰ উপৰি দুদিনৰ ভিতৰত পুৰণি পেঞ্চন আঁচনি (old pension scheme) ৰূপায়ণৰ বিষয়ে আলোচনা কৰিবলৈ মুখ্য সচিবৰ অধ্যক্ষতাত এখন সমিতি গঠন কৰা হ'ব (Chief Secretary of Maharashtra) ।
ইয়াৰ পূৰ্বে মহাৰাষ্ট্ৰ চৰকাৰৰ প্ৰায় 18 লাখ কৰ্মচাৰীয়ে পুৰণি পেঞ্চন আঁচনি (অ'পিএছ) পুনৰ প্ৰৱৰ্তনৰ দাবীত মঙলবাৰে অনিৰ্দিষ্টকালীন ধৰ্মঘট আৰম্ভ কৰে । আনহাতে, ৰাজ্য চৰকাৰে ধৰ্মঘটত যোগদান কৰা কৰ্মচাৰীসকলৰ বিৰুদ্ধে অনুশাসনমূলক ব্যৱস্থা গ্ৰহণৰ সতৰ্কবাণীও দিছিল । কিন্তু কৰ্মচাৰীসকলে সেই সতৰ্কবাণীক কোনো কেৰেপ নকৰিলে । ধৰ্মঘটত অংশগ্ৰহণ কৰা কৰ্মচাৰীসকলৰ ভিতৰত আছে ৰাজ্য চৰকাৰৰ অধীনৰ চিকিৎসালয়ত কাম কৰা পেৰামেডিকেলৰ কৰ্মচাৰী, অনাময় কৰ্মী আৰু শিক্ষক তথা নাগৰিক সংস্থাৰ দ্বাৰা পৰিচালিত প্ৰতিষ্ঠানৰ কৰ্মচাৰীসকল ।