নেশ্যনেল ডেস্ক, 5 আগষ্ট:গুজৰাটত ইউনিয়ন বেংকৰ এটা শাখাত দিন ডকাইতিৰ ঘটনা সংঘটিত হৈছে ( Robbers loot Rs 44 L from Union Bank) ৷ বৃহস্পতিবাৰে বিয়লি 4 বজাত গুজৰাটৰ ভাৰুচত থকা ইউনিয়ন বেংকৰ অংকলেশ্বৰ শাখাত চাৰিজনীয়া এটা ডকাইতৰ দল প্ৰৱেশ কৰি প্ৰায় 44 লাখ টকা লুটি লৈ যায় (Robbers looted Rs 44 lakh from Union Bank)৷
জানিব পৰামতে ডকাইতৰ দলটোৱে লগত অনা হস্তনিৰ্মিত পিষ্টলেৰে ভাবুকি প্ৰদান কৰে সেই মূহূৰ্তত বেংকটোত থকা একাংশক (Union Bank Gujarat)৷ ধন নিদিলে গুলীওৱাৰ ভাবুকি দেখুৱাই বেংকৰ কৰ্মচাৰীসকলৰ মূৰত পিষ্টল থৈ বৃহৎ অংকৰ ধনখিনি বেগত ভৰাই দিবলৈ আদেশ দিয়ে ৷ উপায়ন্তৰ হৈ বংকৰ কৰ্মচাৰীসকলে প্ৰায় 44 লাখ টকা ডকাইতৰ দলটোক দিবলৈ বাধ্য হয় (Four armed robbers looted around Rs 44 lakh)৷
এই ঘটনাৰ মাজতে বেংকটোত আৱদ্ধ হৈ থকা কোনো লোকে নিজৰ বুদ্ধিমত্তাৰে আৰক্ষীক এই ঘটনাৰ বিষয়ে অৱগত কৰে ৷ আৰক্ষীয়ে ততালিকে ঘটনাস্থলীত উপস্থিত হোৱাত হুৱা দুৱা লাগে ডকাইতৰ দলটোৰ মাজত ৷ চাৰিজনীয়া দলটোৱে পৃথকে পৃথকে বেংকটোৰ পৰা পলাবলৈ লওঁতেই আৰক্ষীয়ে বিপৰীত দিশৰ পৰা ডকাইতৰ দলটোলৈ লক্ষ্য কৰি গুলীচালনা কৰে ৷