চিটাৰা ডেস্ক, 14 নৱেম্বৰ :বলিউড অভিনেত্ৰী কংগনা ৰাণাৱটৰ পৰা পদ্মশ্ৰী বঁটা তাৎক্ষণিকভাৱে প্ৰত্যাহাৰ কৰিবলৈ ৰাষ্ট্ৰপতিক আহ্বান জনাইছে দিল্লী মহিলা আয়োগৰ অধ্যক্ষা স্বাতী মালিৱালে ৷ ইয়াৰ লগতে কংগনাৰ বিৰুদ্ধে ৰাজদ্ৰোহ অভিযোগত গোচৰ ৰুজু কৰাৰ বাবেও মহিলা আয়োগৰ অধ্যক্ষগৰাকীয়ে ৰাষ্ট্ৰপতিক আহ্বান জনায় ৷
উল্লেখ্য যে, দিল্লী মহিলা আয়োগৰ অধ্যক্ষা স্বাতী মালিৱালে দেওবাৰে ৰাষ্ট্ৰপতিলৈ এখন পত্ৰ প্ৰেৰণ কৰে ৷ ইয়াৰ পাছতেই মহিলা আয়োগৰ অধ্যক্ষগৰাকীয়ে টুইট কৰি এই কথা সদৰি কৰে ৷ স্বাতী মালিৱালে টুইটটোত কয় যে, কংগনা এনে এগৰাকী মহিলা যিয়ে গান্ধী, ভগত সিঙৰ বলিদানক হাস্যকৰ বুলি ক’ব বিচাৰে । তেওঁ লাখ লাখ মানুহৰ ত্যাগ-তপস্যাৰ পাছত লাভ কৰা স্বাধীনতাক ভিক্ষা বুলি ক’ব বিচাৰে ।