নেশ্যনেল ডেস্ক,১৭ এপ্ৰিল :সমগ্ৰ দেশতে জাতিগত লোকপিয়ল আৰু ৫০ শতাংশ সংৰক্ষণৰ প্ৰতিবন্ধকতা সমাপ্ত কৰাৰ দাবীত ৰাজনীতি আৰম্ভ হৈছে (Caste census and Reservation controversy)। কংগ্ৰেছ নেতা ৰাহুল গান্ধীয়েও শেহতীয়াকৈ ৫০ শতাংশ সংৰক্ষণৰ সীমা বাতিল কৰাৰ দাবী জনাইছে ।
অৱশ্যে, এই ক্ষেত্ৰত বিহাৰৰ মুখ্যমন্ত্ৰী নীতিশ কুমাৰ নিমাত হৈ আছে । তেওঁ কোৱা মতে এই সন্দৰ্ভত এতিয়াই কোৱাটো অসুবিধা । তেওঁ আশা কৰা মতে সমগ্ৰ দেশতে জাতিগত লোকপিয়ল অনুষ্ঠিত হ'ব । তেতিয়া বিহাৰ চৰকাৰে প্ৰতিবেদন কেন্দ্ৰলৈ প্ৰেৰণ কৰিব । প্ৰতিবেদনৰ আধাৰত সকলোবোৰৰ ওপৰত সিদ্ধান্ত লোৱাটো কেন্দ্ৰৰ কাম বুলি তেওঁ উল্লেখ কৰে ।
বিহাৰৰ মুখ্যমন্ত্ৰী নীতিশ কুমাৰে সোমবাৰে কয় যে, ৰাজ্য চৰকাৰে জাতিগত লোকপিয়লৰ বিষয়টোত এক সহমত প্ৰস্তাৱৰ সিদ্ধান্ত লৈছে (Nitish Kumar on caste census)। একেখন সভাৰ সিদ্ধান্তৰ ভিত্তিতে বৰ্তমান বিহাৰত জাতিগত লোকপিয়ল কৰা হৈছে । বখতিয়াৰপুৰৰ পৰা এয়া আৰম্ভ কৰা হৈছে । ইয়াৰ দ্বাৰা জনসংখ্যাৰ লগতে অৰ্থনৈতিক পৰিস্থিতিৰ বিষয়েও জানিব পৰা যাব বুলি তেওঁ উল্লেখ কৰে ।
নীতিশ কুমাৰে লগতে কয়, "যি জাতিয়ে নহওঁক, উচ্চ বৰ্ণ, দলিত, পিছপৰা, মুছলমান, অৰ্থনৈতিক অৱস্থা যিয়েই নহওঁক, আমি তেওঁলোকৰ উন্নয়নৰ বাবে কাম কৰিম । বহুতো ৰাজ্যৰ মানুহে চাব বিচাৰে যে এয়া কেনেদৰে হ'ব । মই কৈছো যে প্ৰথমে ইয়াত কৰক, তাৰ পিছত আন ৰাজ্যকো কওঁক ।" মুখ্যমন্ত্ৰীয়ে কয় যে লোকপিয়ল প্ৰতি ১০ বছৰত অনুষ্ঠিত হৈছিল কিন্তু এতিয়া সেয়া হোৱা নাই । প্ৰায় ১২-১৩ বছৰ হৈ গ'ল । একে সময়তে, তেওঁ কেন্দ্ৰৰ পৰা দাবী কৰিছে যে যেতিয়াই ভৱিষ্যতে লোকপিয়ল অনুষ্ঠিত হয়, জাতিগত লোকপিয়ল কৰা উচিত ।