ৰাজধানী দিল্লীত জব্দ সোণভৰ্তি বাহন

বাহনখনৰ পৰা জব্দ 120 কি.গ্ৰাম ওজনৰ সোণ

নিউজ ডেস্ক, 22 মাৰ্চ : ৰাজধানী দিল্লীত সোণ সহিতে আৰক্ষীৰ জালত এখন বাহন ৷ বাহনখনৰ পৰা জব্দ 120 কি.গ্ৰাম ওজনৰ সোণ ৷

শুকুৰবাৰে দুপৰীয়া দিল্লীৰ মোতিনগৰ আৰক্ষীয়ে আটক কৰে সোণভৰ্তি বাহনখন ৷ বাহনখনৰ চালককো ইতিমধ্যে গ্ৰেপ্তাৰ কৰিছে আৰক্ষীয়ে ৷ নিৰ্বাচনৰ প্ৰাকমুহূৰ্তত ভোটাৰৰ মাজত বিতৰণৰ বাবে সোণখিনি অনা হৈছিল বুলি সন্দেহ কৰিছে আৰক্ষীয়ে ৷ ঘটনাস্থলীত আয়কৰ বিভাগৰ বিষয়া উপস্থিত হোৱাৰ পাচতহে পৰৱৰ্তী অনুসন্ধান আৰম্ভ হ'ব বুলি জানিবলৈ দিছে আৰক্ষীয়ে ৷