নেশ্বনেল ডেক্স, 28 ফেব্ৰুৱাৰীঃ উত্তৰপ্ৰদেশৰ এগৰাকী কৰিকৰী প্ৰশিক্ষক শ্যাম চৌৰাচিয়াৰ প্ৰচেষ্টাত এতিয়া কাণফুলি কেৱল মহিলাৰ সৌন্দৰ্য বৰ্ধনৰ আহিলা অথবা অলংকাৰ হৈ থকা নাই ৷ শ্যাম চৌৰাচিয়াই প্ৰস্তুত কৰা কাণফুলিয়ে যিকোনো অনাকাংক্ষিত পৰিস্থিতিৰ পৰা ৰক্ষা কৰিব যুৱতী আৰু মহিলাক ৷
ম'বাইল ফোনৰ লগত ব্লুটুথৰ জৰিয়তে সংযোগ হৈ থকা এই বিশেষ কণফুলিৰ জৰিয়তে বিপদৰ উমান পালে 112 নম্বৰ ডায়েল কৰি যোগাযোগ কৰিব পাৰিব আৰক্ষীৰ সৈতে ৷ যিকোনো বিপদজনক পৰিস্থিতিত কাণফুলিপাতত থকা এটা বুটাম টিপিলেই স্বয়ংক্ৰিয়ভাৱে ম'বাইল ফোনৰ পৰা ডাইল হ'ব 112 নম্বৰ ৷ ইয়াৰ জৰিয়তে ওচৰত থকা আৰক্ষী নিয়ন্ত্ৰণ কক্ষই আপোনা আপুনি সেই মহিলা অথবা যুৱতীগৰাকীৰ LOCATION নিৰ্ণয় কৰিব পাৰিব ৷