নিউজ ডেস্ক, 21 আগষ্ট: পাকিস্তান সমৰ্থিত তালিবানৰ হাতত উৎপীড়নৰ বলি হোৱা হিন্দু আৰু শিখ সম্প্ৰদায়ৰ 128 গৰাকী সদস্যৰ তৃতীয় দলটো ভাৰত চৰকাৰৰ দ্বাৰা সুবিধাপ্ৰাপ্ত এক বিশেষ বিমানেৰে নতুন দিল্লীত উপস্থিত হয় ৷ প্ৰথমবাৰ শ্ৰীগুৰু গ্ৰন্থ চাহিবক শিখ সকলৰ দ্বাৰা আফগানিস্থানৰ পৰা অনা হয় ৷ ভাৰতত মুঠ 173 গৰাকী হিন্দু আৰু শিখ উপস্থিত হয় ৷
কাবুলৰ ভাৰতীয় দুতাবাসৰ দ্বাৰা ভাৰতলৈ আহিবলগীয়া লোক সকলক অল্পকালীন ভিজা প্ৰদান কৰা হয় ৷ ভাৰত চৰকাৰৰ নবীনতম ক'ভিড-19 প্ৰট'কলৰ মতে, এই সকল আফগান নাগৰিকক পৃথক কৰি দিয়া হ‘ব ৷ এইসকলৰ থকা আৰু পুনৰ সংস্থাপনৰ ব্যৱস্থা দিল্লীৰ শিখ গুৰুদ্বাৰাৰ প্ৰবন্ধক কমিটিৰ দ্বাৰা কৰা হয় ৷