নিউজ ডেস্ক,22 অক্টোবৰ : এইবাৰ গুজৰাটৰ চুৰটৰ ডায়মণ্ড জুৱেলাৰ্ছ কোম্পানীয়ে নিৰ্মাণ কৰা হীৰাৰ মুকুট পৰিধান কৰিব আমেৰিকা যুক্তৰাষ্ট্ৰৰ আটাইতকৈ ধুনীয়া মহিলা গৰাকীয়ে ৷ প্ৰতিবছৰে অনুষ্ঠিত হোৱা মিছ ৱৰ্ল্ড আমেৰিকাৰ বিজেতাৰ মুকুটটো হংকঙত প্ৰস্তুত কৰা হয় যদিও এইবাৰ এই সন্মানীয় নীলা হীৰাৰ মুকুটটো ভাৰতত প্ৰস্তুত কৰা হৈছে ৷ 650 কেৰেট হীৰা,650 গ্ৰাম সোণ আৰু 150 টা এমৰেল্ডেৰে এই ধুনীয়া মুকুটটো সাজি উলিওৱা হৈছে,যাৰ মূল্য কোটি টকা বুলি জানিব পৰা গৈছে ৷
মাৰ্কিন যুক্তৰাষ্ট্ৰ আৰু চীনৰ মাজত হোৱা বিবাদৰ পাচত ভাৰতে এই সুবিধা লাভ কৰিবলৈ সক্ষম হৈছে ৷ মুকুটটো বিশেষ আৰ্হিৰ বাবে 10 গৰাকী কৰ্মচাৰীয়ে 25 দিনলৈ প্ৰত্যেক দিনাই 8 ঘণ্টালৈ কৰিছিল ৷ ইতিমধ্যে মুকুটটো আমেৰিকালৈ ৰপ্তানি কৰা হৈছে ৷