নিউজ ডেস্ক, 8 অক্টোবৰ : ভাৰত নেপাল সীমান্তৰ সুৰক্ষাৰ দায়িত্ব থকা সশস্ত্ৰ সীমা বল চমুকৈ এছএছবিৰ জোৱানৰ সৈতে দুৰ্ব্যৱহাৰ নেপালী নাগৰিকৰ ৷ উত্তৰ প্ৰদেশৰ পিলিভিট জিলাৰ ভাৰত-নেপাল সীমান্তৱৰ্তী সুন্দৰ গাঁৱত সংঘটিত হৈছে এই ঘটনা ৷ বাহিনীটোৰ 49 বেটালিয়নৰ এটা সীমান্ত নিৰীক্ষণ চকীৰ দলৰ সৈতে এই ঘটনা সংঘটিত হোৱাৰ কথা প্ৰকাশ কৰিছে চকীখনৰ দায়িত্বত থকা বিষয়া উজ্জ্বল সিঙে ৷ এই ঘটনাৰ পিচতেই অঞ্চলটোত উত্তেজনাপূৰ্ণ পৰিস্থিতিৰ সৃষ্টি হয় ৷
সোমবাৰে উক্ত চকীৰ দায়িত্বত থকা জোৱানসকলে নেপালৰ পৰা অহা এখন ট্ৰাক জব্দ কৰিছিল ৷ ট্ৰাকখনত সৌন্দৰ্য্য চৰ্চাৰ প্ৰায় 24.55 লাখ টকাৰ সামগ্ৰী আছিল বুলি জানিব পৰা গৈছে ৷ ঘটনাৰ সৈতে জড়িত থকাৰ অভিযোগত এছএছবিয়ে বিক্ৰম চক্ৰৱৰ্তী নামৰ এগৰাকী লোকক গ্ৰেপ্তাৰ কৰে ৷