নিউজ ডেস্ক, 18 এপ্ৰিলঃ চৰকাৰে দিয়া সাহাৰ্যৰ 1500 টকা উলিয়াবলৈ বেংকত আহি শাৰী পাতি থকা অৱস্থাতেই ঢলি পৰি মৃত্যু হয় এগৰাকী মহিলাৰ । তেলেংগানাৰ কামৰাৰেড্ডী জিলাৰ মণ্ডল ব্লকৰ মুখ্য কাৰ্যালয়ত সংঘটিত হয় এই ঘটনা ।
অংগঠ কমলা নামৰ 45 বছৰীয়া মহিলা গৰাকী শাৰীত থিয় হৈ থাকোতেই হঠাতে ঢলি পৰে। তাৰ পিচতে ততালিকে সমীপৰ চিকিৎসালয়লৈ নিয়া হয় যদিও চিকিৎসকে মৃত ঘোষণা কৰে ।
কংগ্ৰেছ নেতা তথা প্ৰক্তন মন্ত্ৰী মহম্মদ আলী চাব্বিৰে মহিলাগৰাকীৰ মৃত্যুৰ বাবে জগৰীয়া কৰিছে ৰাজ্য চৰকাৰক। তেওঁৰ অভিযোগ যে,মহিলাগৰাকীয়ে দুদিন ধৰি তেওঁৰ সাহাৰ্যৰ ধন নিবলৈ আহিছে আৰু প্ৰখৰ ৰ'দত থিয় হৈ থাকিবলগীয়া হৈছে ।