শ্ৰীলংকাত হোৱা ধাৰাবাহিক বিস্ফোৰণত কৰ্ণাটকৰ 7জন লোক নিৰুদ্দেশ

শ্ৰীলংকাত হোৱা ধাৰাবাহিক বিস্ফোৰণত কৰ্ণাটকৰ 7 জন লোক নিৰুদ্দেশ

নিউজ ডেস্ক, 22 এপ্ৰিলঃ শ্ৰীলংকাত দেওবাৰে হোৱা বিস্ফোৰণত কৰ্ণাটকৰ 7 জন জে ডি এচ নেতা নিৰুদ্দেশ হৈ আছে ৷ কংগ্ৰেছ নেতা বিৰপ্পা মৈলীৰ হৈ নিৰ্বাচনী প্ৰচাৰ চলাই শ্ৰীলংকাত ভ্ৰমণৰ বাবে গৈছিল নেতা কেইগৰাকী ৷ এপ্ৰিলৰ 20 তাৰিখে পুৱা 8 বজাত শ্ৰীলংকাত উপস্থিত হৈছিল লোককেইজন ৷ তেওঁলোকে তেওঁলোকৰ পৰিয়ালৰ লোকক জানিবলৈ দিয়া মতে তেওঁলোক চংগ্ৰিলা হোটেলৰ 618,619 নং কোঠাত আছিল ৷ উল্লেখ্য যে দেওবাৰে শ্ৰীলংকাত হোৱা ধাৰাবাহিক বিস্ফোৰণত চংগ্ৰিলা হোটেলতো বোমা বিস্ফোৰিত হৈছিল ৷ কৰ্ণাটকৰ মুখ্যমন্ত্ৰী এইচ ডি কোমাৰ স্বামীয়ে বৈদেশিক মন্ত্ৰণালয়ে এওঁলোকৰ দুজনৰ মৃত্যু হোৱা বুলি নিশ্চিত কৰিছে বুলি জানিবলৈ দিয়ে ৷ লগতে মৃতকৰ পৰিয়াললৈ সমবেদনা জ্ঞাপন কৰে ৷