নিউজ ডেস্ক, ৪ জুলাইঃ ৰাম মন্দিৰ নিৰ্মাণ সন্দৰ্ভত ১৮ জুলাইত অযোধ্যা ৰাম মন্দিৰ ন্যাসে অনুষ্ঠিত কৰিব এখন বিশেষ বৈঠক । ৰাম মন্দিৰ নিৰ্মাণ কাৰ্যত চোৱাচিতা কৰিবলৈ উচ্চতম ন্যায়ালয়ৰ নিৰ্দেশত গঠন কৰা হৈছিল এই ৰাম মন্দিৰ ন্যাসে ।
ৰাম মন্দিৰ নিৰ্মাণ সন্দৰ্ভত ১৮ জুলাইত বিশেষ বৈঠক ট্ৰাষ্টৰ
আনহাতে,শ্ৰী ৰাম জন্মভূমি তীৰ্থক্ষেত্ৰ ট্ৰাষ্টৰ সাধাৰণ সম্পাদক চম্পাট ৰায়ে ইটিভি ভাৰতৰ আগত প্ৰকাশ কৰে যে, ১৮ জুলাইত অনুষ্ঠিত হ'বলগীয়া বৈঠকত ট্ৰাষ্ট্ৰৰ সকলো সদস্যক এই বৈঠকলৈ আমন্ত্ৰণ কৰা হ'ব । আৰু সম্ভৱত সকলো সদস্য এই বৈঠকত অংশ গ্ৰহণ কৰিব। ৰাম মন্দিৰ নিৰ্মাণ সন্দৰ্ভতে এই বৈঠকত আলোচনা কৰা হ'ব বুলিও উল্লেখ কৰে । তাৰোপৰি বৈঠকত মন্দিৰৰ স্তম্ভ নিৰ্মাণৰ আধাৰশিলা স্থাপন কৰাৰ নিৰ্ণয় লোৱা সম্ভৱনা থকা বুলিও আভাষ দিয়ে চম্পাট ৰায়ে ।