নিৰ্বাচনত জয়লাভৰ উদ্দেশ্যে মোডীয়ে দেশত হিংসা বিয়পাইছে : ৰাহুল গান্ধী

ৱায়ানাড়ত মোডীক কটু সমালোচনা ৰাহুল গান্ধীৰ ৷

নিউজ ডেস্ক, 8 জুন : ভাৰতক দ্বি-খণ্ডিত কৰিবলৈ হিংসা-অপ্ৰীতিকৰ পৰিস্থিতিৰ ৰাজনীতি কৰিছে প্ৰধানমন্ত্ৰী নৰেন্দ্ৰ মোডীয়ে৷ এই মন্তব্য কংগ্ৰেছৰ অধ্যক্ষ ৰাহুল গান্ধীৰ৷

লোকসভা নিৰ্বাচনত শোচনীয় পৰাজয়ৰ অন্তত ৱায়ানাড়ত উপস্থিত হৈ মোডীক কটু ভাষাৰে সমালোচনা কৰে ৰাহুল গান্ধীয়ে৷ নিৰ্বাচনত জয়ী হোৱাৰ উদ্দেশ্যে মিছা আৰু অসৎ উপায় অৱলম্বন কৰা বুলিও মোডীক সমালোচনা কৰে ৰাহুল গান্ধীয়ে৷ মোডীৰ দ্বি-খণ্ডিতকৰণৰ বৰবিহে ভাৰতীয়ক জুৰুলা কৰা বুলিও প্ৰকাশ কৰে ৰাহুলে৷

কেৰালাৰ ৱায়ানাড় সমষ্টিৰ পৰা জয়লাভ কৰিবলৈ সক্ষম হোৱা ৰাহুলে শনিবাৰে উপস্থিত হৈছে নিজ সমষ্টিটোত৷