নেশ্যনেল ডেস্ক, 25 মাৰ্চ : লোকসভা সমষ্টি বাৰাণসীৰ স্থানীয় লোকৰ সৈতে বুধবাৰে এক ভিডিঅ' কনফাৰেন্সিঙত অংশগ্ৰহণ কৰে প্ৰধানমন্ত্ৰী নৰেন্দ্ৰ মোডীয়ে ৷ এই কনফাৰেন্সত মোডীয়ে কৰ'ণা ভাইৰাছ আৰু 21 দিনীয়া লকডাউন সম্পৰ্কত আলোচনা কৰে ৷ তেওঁ আশা কৰে যে, পৰৱৰ্তী 21 দিনত 'কৰ'ণাৰ বিৰুদ্ধে যুদ্ধ'ত জয়ী হ'বলৈ সক্ষম হ'ব ৷
তেওঁ কয়, "এই জটিল পৰিস্থিতিত, কাশীৰ ৰাইজে পথ প্ৰদৰ্শন কৰি সকলোৰে বাবে উদাহৰণ হিচাপে থিয় দিয়া উচিত ৷" তেওঁ লগতে কয় যে, কাশীয়ে দেশত সংযম, সমন্বয় আৰু সংবেদনশীলতাৰ শিক্ষা দিব ৷