নিউজ ডেস্ক, ২৭ এপ্ৰিলঃ মহামাৰী কৰ'ণা ভাইৰাছৰ সৈতে কোনো ধৰণৰ সামাজিক অপবাদ জড়িত নকৰিবলৈ তথা অন্য স্বাস্থ্য সম্বন্ধীয় সুবিধাসমূহৰ দৰে এই ভাইৰাছৰ চিকিৎসা প্ৰদান কৰিবলৈ আহ্বান জনাই প্ৰধানমন্ত্ৰী নৰেন্দ্ৰ মোডীয়ে ।
সোমবাৰে ভিডিঅ' কনফাৰেঞ্চযোগে ৰাজ্যৰ মুখ্যমন্ত্ৰীসকলৰ সৈতে হোৱা বৈঠকত এনেদৰে মন্তব্য কৰে প্ৰধানমন্ত্ৰী গৰাকীয়ে ।
আনহতে, প্ৰধানমন্ত্ৰী গৰাকীয়ে পৰামৰ্শ আগবঢ়াই যে, ৰঙা আৰু কমলা জ'নৰ ভিতৰত পৰা জিলাসমূহত ভাইৰাছবিধ সংক্ৰমিত হোৱাটো ৰোধ কৰিবলৈ প্ৰয়াস কৰা উচিত ।
আনহাতে, প্ৰধানমন্ত্ৰী গৰাকীয়ে ৰাজ্য আৰু কেন্দ্ৰীয় শাসিত অঞ্চলসমূহত ৰেড জ'ন হিচাপে চিহ্নিত অঞ্চলসমূহত কঠোৰ নিৰ্দেশ প্ৰদান কৰিবলৈ নিৰ্দেশ প্ৰদান কৰে ৷
উল্লেখ্য যে, প্ৰথম অৱস্থাত মহামাৰী COVID-19 আক্ৰান্তৰ ৰোগী থকা দেশৰ ১৬ খন জিলাত বিগত ২৮ দিনৰ ভিতৰত নতুনকৈ কোনো লোক আক্ৰান্ত হোৱাৰ খবৰ লাভ কৰা হোৱা নাই । আৰু বিগত ১৪ দিনে ৮৫ খন জিলাত কোনো নতুনকৈ মহামাৰী COVID-19 ত আক্ৰান্ত হোৱাৰ তথ্য লাভ কৰা নাই বুলিও প্ৰকাশ কৰা হয় ৷