নিউজ ডেস্ক, ১৪ জুন :কোভিড-১৯ মহামাৰী প্ৰতিৰোধৰ বাবে কেৰালাৰ কোজিক'ডৰ কুট্টিচিৰা অঞ্চলৰ এটা মচজিদত গ্ৰহণ কৰিছে বিশেষ ব্যৱস্থা। মচজিদত আল্লাৰ প্ৰাৰ্থনাৰ বাবে, বিশেষকৈ শুকুৰবৰীয়া নামাজত যাতে অধিক সংখ্যক লোকৰ সমাগম নহয় তাৰ প্ৰতি লক্ষ্য ৰাখি কৰ্তৃপক্ষই গ্ৰহণ কৰিছে স্মাৰ্ট কাৰ্ডৰ ব্যৱস্থা।
মচজিদলৈ অহা অঞ্চলটোৰ লোকসকলক এই কাৰ্ড প্ৰদান কৰিব মচজিদ কৰ্তৃপক্ষই। মচজিদলৈ অহা লোকসকলে প্ৰথমে নিজৰ হাত ছেনিটাইজ কৰি তাৰ পাছত স্মাৰ্ট কাৰ্ডৰ জড়িয়তে মচজিদত প্ৰৱেশ কৰিব পাৰিব। মচজিদ কমিটিৰ এজন সদস্যই প্ৰকাশ কৰে এই কথা।