নিউজ ডেস্ক, ১১ মে' : ভাৰতীয় ৰেলে অহাকালিৰ পৰা আৰম্ভ কৰিব ১৫খন বিশেষ ৰেলৰ চলাচল । সেই উপলক্ষে আজি দিনৰ ভাগত ৪ বজাৰ পৰা মুকলি কৰি দিয়াৰ কথা আছিল টিকট পঞ্জীয়নৰ কাম । কিন্তু বিসংগতিৰ বাবে আইআৰচিটিচি ৱেবচাইট বন্ধ হৈ পৰাত সাময়িকভাৱে বন্ধ কৰি ৰখা হয় টিকটৰ পঞ্জীয়ন । অৱশ্যে ৬ বজাৰ পৰা টিকট পঞ্জীয়নৰ কাম পুনৰ আৰম্ভ হয় ।
টিকট পঞ্জীয়নৰ কাম আৰম্ভ হোৱাৰ ১০ মিনিটৰ ভিতৰতে হাওৰা-দিল্লী বিশেষ ৰেলগাড়ীখনৰ বাতানুকুলিত প্ৰথম শ্ৰেণী আৰু বাতানুকুলিত তৃতীয় শ্ৰেণীৰ সকলো টিকট পঞ্জীয়ন হৈ যায় । মঙলবাৰে আবেলি ৫ বজাত হাওৰা ষ্টেচনৰ পৰা ৰেলগাড়ীখনে যাত্ৰা আৰম্ভ কৰিব ।