নিউজ ডেস্ক, 6 এপ্ৰিলঃ লোকসভা নিৰ্বাচনৰ পূৰ্বেই আইন-শৃংখলাজনিত পৰিস্থিতি নিৰীক্ষণ কৰিবলৈ আলোচনাত মিলিত হয় দেশৰ কেইবাখনো ৰাজ্যৰ আৰক্ষী বিভাগ ৷ নতুন দিল্লীস্থিত দিল্লী আৰক্ষীৰ মুখ্যালয়ত আৰক্ষী আয়ুক্ত পৰ্যায়ত অনুষ্ঠিত হয় উক্ত আলোচনাচক্ৰ ৷ লোকসভা নিৰ্বাচনৰ পূৰ্বে দেশৰ সকলো ৰাজ্যৰ আৰক্ষীৰ মাজত একক যোগসূত্ৰ অব্যাহত ৰখাৰ লগতে সন্ত্ৰাসবাদমূলক কাৰ্যকলাপ প্ৰতিহত কৰিবলৈ এই আলোচনাত মিলিত হয় আৰক্ষী বিষয়াসকল ৷ দিল্লী আৰক্ষীৰ আয়ুক্ত অমূল্য পাঠকৰ সভাপতিত্বত অনুষ্ঠিত আলোচনাচক্ৰখনিত অংশগ্ৰহণ কৰে হাৰিয়ানা,পঞ্জাৱ,উত্তৰ প্ৰদেশ,উত্তৰাখণ্ড,মধ্য প্ৰদেশ,ৰাজস্থান, বিহাৰ,হিমাচল প্ৰদেশ আৰু চণ্ডীগড় আৰক্ষীয়ে ৷
নিৰ্বাচনক লৈ আলোচনাত মিলিত দেশৰ সকলো ৰাজ্যৰ আৰক্ষী
আইন-শৃংখলাজনিত দিশসমূহৰ লগতে শান্তিপূৰ্ণ নিৰ্বাচন অনুষ্ঠিত কৰিবলৈ ৰাষ্ট্ৰীয় ৰাজধানীত আলোচনাত মিলিত দেশৰ সকলো ৰাজ্যৰে আৰক্ষী বিভাগৰ উচ্চপদস্থ বিষয়াৰ দল
আলোচনাত মিলিত দেশৰ সকলো ৰাজ্যৰ আৰক্ষী
আলোচনাচক্ৰত নগদ ধন, সন্ত্ৰাসবাদ, অবৈধ সুৰা, অস্ত্ৰ-শস্ত্ৰ আদিৰ ওপৰত নজৰ ৰাখিবলৈ কঠোৰ নিৰ্দেশনা প্ৰদান কৰা হয় ৷ ইয়াৰ উপৰিও দিল্লীৰ সীমান্তৱৰ্তী অঞ্চলসমূহত অসামাজিক কাৰ্যকলাপকে ধৰি চাইবাৰ গতিবিধিৰ ওপৰতো নজৰ ৰাখিবলৈ নিৰ্দেশনা প্ৰদান কৰে দিল্লী আৰক্ষীয়ে ৷