নিউজ ডেস্ক, 24 জুলাই : জাকাৰ্টা এছিয়ান গেমছত 4x400 ৰিলেৰ মিশ্ৰিত শাখাত ভাৰতীয় দলে লাভ কৰা ৰূপৰ পদকক সোণৰ পদকলৈ উন্নীত কৰা হৈছে ৷ এথেলেটিকছ ফেডাৰেছন অৱ ইণ্ডিয়াই বৃহস্পতিবাৰে প্ৰকাশ কৰে এই কথা ৷ ডপিং টেষ্টত বিজয়ী দল বাহৰাইনক অযোগ্য ঘোষণা কৰাৰ বাবে ভাৰতীয় দলক বিজয়ী ঘোষণা কৰা হয় ৷
2018 চনৰ এছিয়ান গেমছৰ 4x400 ৰিলেৰ মিশ্ৰিত শাখাৰ বিজয়ী দলৰ প্ৰতিদ্বন্দী কেমি এডেকোয়াক এথেলেটিকছ ইনগ্ৰিগ্ৰিটি ইউনিটে ড্ৰপিং টেষ্টত ব্যৰ্থ ঘোষণা কৰাৰ লগতে খেলুৱৈগৰাকীক চাৰি বছৰৰ বাবে নিষেধাজ্ঞা জাৰি কৰে ৷ কেমি এডেকোয়াক অযোগ্য ঘোষণা কৰাৰ পাচতেই ভাৰতীয় দলক বিজয়ী হিচাপে ঘোষণা কৰে এছিয়ান গেমছৰ কৰ্তৃপক্ষই ৷