নিউজ ডেস্ক, 4 জুনঃ ধনীৰ হোৱাৰ ইচ্ছা সকলোৰে আছে । কিন্তু কিছু লোকৰ ধনী হোৱাৰ হেপাহ ইমানেই অধিক যে,তেওঁলোকে ধনী হোৱাৰ বাবে সকলো সীমাই অতিক্ৰম কৰিব পাৰে । গাৰ নোম শিয়ৰি যোৱা তেনে এক ঘটনা সংঘটিত হৈছিল তামিলনাডুত । ধনী হোৱাৰ লালসাত 55 বছৰীয়া এজন ব্যক্তি কাষ চাপিছিল তান্ত্ৰিকৰ। তান্ত্ৰিক গৰাকীয়ে তেওঁক নৰ বলি দিবলৈ কৈছিল। সেই অনুসৰিয়েই ব্যক্তি জনে বলি দিছিল নিজৰ 13 বছৰীয়া কন্যা সন্তানক। 1 জুনত সংঘটিত ঘটনাৰ পাচত মঙলবাৰে আৰক্ষীয়ে লোকজনক গ্ৰেপ্তাৰ কৰে ।
তেওঁৰ ব্যক্তব্যৰ ভিত্তিতেই আৰক্ষীয়ে বৃহস্পতিবাৰে গ্ৰেপ্তাৰ কৰে নৰ বলিৰ বাবে উচতনি দিয়া দুগৰাকী মহিলাক । এগৰাকী তান্ত্ৰিক আৰু আনগৰাকী হৈছে তান্ত্ৰিক গৰাকীৰ সহায়িকা ।