মধ্য় প্ৰদেশত পানীৰ পৰি সন্ধানহীন চাৰি কিশোৰ, এজনৰ মৃতদেহ উদ্ধাৰ

মধ্য প্ৰদেশত পানীত পৰি সন্ধানহীন চাৰি কিশোৰ ৷ বৰ্তমানলৈকে এজনৰ মৃতদেহ উদ্ধাৰ ৷ অব্যাহত আছে উদ্ধাৰ অভিযান ৷

নেশ্যনেল ডেস্ক, 13 ছেপ্তেম্বৰ :মধ্য় প্ৰদেশৰ সিংৰৌলি জিলাৰ ছোন নদীত পৰি সন্ধানহীন হ'ল চাৰি কিশোৰ ৷ কিশোৰ কেইজনে গা ধুবলৈ পানীত নমাৰ পাচতে এই ঘটনা সংঘটিত হয় বুলি জানিবলৈ দিয়ে গৰৱা আৰক্ষী থানাৰ আৰক্ষী অধীক্ষক সন্তোষ তিৱাৰীয়ে ৷ গা ধুবলৈ নমাৰ পাচতে পানীৰ খৰতকীয়া সোঁতে আটাইকেইজনকে উতোৱাই নিয়ে ৷

উত্তৰ প্ৰদেশ সীমান্তৰ ছোন নদীত আনন্দ কুমাৰ নামৰ এজন কিশোৰৰ মৃতদেহ বৰ্তমান পৰ্যন্ত উদ্ধাৰ কৰা হৈছে ৷ ইয়াৰোপৰি আন তিনি কিশোৰ অমিত কুমাৰ, ৰোহিত কুমাৰ আৰু ৰাহুল বাইছৰ সন্ধানত নদীখনত অভিযান অব্যাহত আছে ৷