ইণ্টাৰনেশ্যনেল ডেস্ক, 3 মাৰ্চঃকৰ'ণা ভাইৰাছ সন্দৰ্ভত সোমবাৰে ইংলেণ্ড ক্ৰিকেট দলৰ অধিনায়ক জ্যো ৰুটৰ বিস্ফোৰক মন্তব্য ৷ আগন্তুক শ্ৰীলংকা-ইংলেণ্ডৰ মাজৰ দুখন টেষ্ট মেচৰ বাবে ইংলেণ্ডৰ দলটো শ্ৰীলংকালৈ ৰাওনা হ’বলৈ সাজু হোৱাৰ সময়তে সংবাদ মাধ্যমে অধিনায়কগৰাকীক কৰ'ণা ভাইৰাছ সন্দৰ্ভত প্ৰশ্ন কৰে ৷ ভাইৰাছৰ বাবে তেওঁৰ দলৰ সদস্যই সিংহলী বাহিনীৰ সৈতে কৰমৰ্দন নকৰে বুলি তেওঁ মত প্ৰকাশ কৰে ৷
শ্ৰীলংকা বাহিনীৰ সৈতে কৰমৰ্দন নকৰে ইংলেণ্ড ক্ৰিকেট দলে কৰমৰ্দনৰ সলনি ইজনে আনজনক হাতেৰে মুঠি বান্ধি আদৰণি জনাব বুলি অধিনায়ক ৰুটে জানিবলৈ দিয়ে ৷ তেওঁ দলটোক পৰিকল্পনা অনুসৰি আগবাঢ়িবলৈ দিছে যদিও শ্ৰীলংকা দলৰ কৰ্মকৰ্তাৰ সৈতে নিয়মিতভাৱে সম্পৰ্ক ৰক্ষা কৰিবলৈ আৰু উপদেশ অনুসৰি আগবাঢ়িবলৈ কয় ৷
শ্ৰীলংকা বাহিনীৰ সৈতে কৰমৰ্দন নকৰে ইংলেণ্ড ক্ৰিকেট দলে উল্লেখ্য যে,কিছুসময় পূৰ্বে ইংলেণ্ড দলটোৱে দক্ষিণ আফ্ৰিকা ভ্ৰমণত গেষ্ট্ৰ’ৱেনটেৰিটিচ আৰু ফ্লু জাতীয় বেমাৰৰ সন্মুখীন হ’ব লগা হৈছিল ৷ শ্ৰীলংকা-ইংলেণ্ডৰ মাজৰ আগন্তুক টেষ্ট মেচ দুখনৰ বাবে শনিবাৰে শ্ৰীলংকাৰ কটুনায়কেত দুখন ৱাৰ্ম আপ মেচ অনুষ্ঠিত হ’ব৷ শ্ৰীলংকা-ইংলেণ্ডৰ মাজৰ এই শৃংখলা আগন্তুক আই.চি.চি বিশ্বকাপৰ এটা অংশ হ’ব ৷
ইফালে,চীনৰ য়ুহানত উৎপত্তি হোৱা কৰ'ণা ভাইৰাছৰ বাবে ইতিমধ্যে কেইবাখনো খেল স্থগিত ৰখা হৈছে ৷ বৰ্তমানলৈ 58 খন দেশৰ প্ৰায় 86,000 জন লোক কৰ'ণা ভাইৰাছত আক্ৰান্ত হৈছে আৰু 3000ৰো অধিক লোকে প্ৰাণ হেৰুৱাবলগীয়া হৈছে ৷
লগতে চাওকঃপৰেশ বৰুৱাক আলোচনাৰ মেজলৈ আহিবলৈ অহ্বান আলোচনাপন্থী আলফাৰ
