মুষলধাৰ বৰষুণৰ বাবেই ক্ষতিগ্ৰস্ত পুৰণি দিল্লীৰ ঐতিহাসিক মছজিদ

পুৰণি দিল্লীৰ ছবৰী বজাৰস্থিত ঐতিহাসিক মছজিদ মুৱাৰক বেগম ক্ষতিগ্ৰস্ত । দেওবাৰে দিল্লীত অহা ধাৰাসাৰ বৰষুণৰ লগতে অহা বজ্ৰপাত পৰিয়ে ক্ষতিগ্ৰস্থ হয় ঐতিহাসিক মছজিদটো ।

নিউজ ডেস্ক, ২০ জুলাইঃদেওবাৰে অহা ধাৰাসাৰ বৰষুণৰ ফলতেই ক্ষতিগ্ৰস্ত হয় পুৰণি দিল্লীস্থিত এটি ঐতিহাসিক মছজিদ । খবৰ অনুসৰি,ছবৰী বজাৰ অঞ্চলত থকা ঐতিহাসিক মছজিদ মুৱাৰক বেগম দেওবাৰে বতাহ,বৰষুণৰ লগতে অহা বজ্ৰপাতৰ ফলতেই ক্ষতিগ্ৰস্ত হয় বুলি জানিবলৈ দিয়ে মছজিদ কমিটিয়ে । কিন্তু ঘটনা সন্দৰ্ভত সৌভাগ্য়ক্ৰমে কোনো লোক আঘাতপ্ৰাপ্ত হোৱা নাই বুলি জানিবলৈ দিয়ে মছজিদ পৰিচালনা কমিটিৰ অধ্যক্ষ জফৰ আলীয়ে । লগতে অধ্যক্ষ গৰাকীয়ে কয় যে,এই মছজিদটো ৱাকফ বোৰ্ডৰ অধীনত পৰে । লগতে প্ৰত্নতত্ত্ব বিভাগ এই মছজিদটো ঐতিহাসিক বুলিও ঘোষণা কৰিছে ।

আনহাতে, পুৰণি দিল্লীৰ জনপ্ৰিয় মঞ্চ "Purani Dilli Walon ki Baatein" টুইটযোগে কয় যে, ১৮২৮ চনত নিৰ্মাণ কৰা ঐতিহাসিক মছজিদ মুৱাৰক বেগম মুষলধাৰ বৰষুণৰ বাবেই দেওবাৰে ক্ষতিগ্ৰস্ত হয় । মছজিদটোৰ আৰ্কিটেকছাৰৰ বাবেই এই মছজিদটো অদ্বিতীয় । কিন্তু বজ্ৰপাতৰ বাবেই ক্ষতিগ্ৰস্ত হয় মছজিদটো ।

লগতে চাওকঃ ৰাজ্যত বানে পুনৰ প্ৰাণ কাঢ়িলে 5 জনকৈ লোকৰ