নেশ্যনেল ডেক্স,7 আগষ্টঃপশ্চিম বংগৰ ঝাড়গ্ৰামত পোহৰলৈ আহিছে এক আশ্বৰ্যকৰ ঘটনা ৷ 17 বছৰীয়া কিশোৰীৰ পেটৰ পৰা ওলাল প্ৰায় ডেৰ কেজি ওজনৰ চুলি ৷ উল্লেখ্য যে,ঝাড়গ্ৰাম জিলা চুপাৰ স্পেছিয়েলিটি হাস্পতালত কিছুদিন পূৰ্বে পেটৰ বিষ আৰু বমিৰ চিকিৎসাৰ বাবে এগৰাকী কিশোৰী ভৰ্তি হয় ৷ পৰৱৰ্তীসময়ত এনড্ৰ’স্কোপিৰ জৰিয়তে চিকিৎসক গৈৰিক মাঝিয়ে কিশোৰীগৰাকীৰ পেটত চুলিৰ উপস্থিতি ধৰা পেলায় ৷ বৃহস্পতিবাৰে অপাৰেশ্যনৰ জৰিয়তে কিশোৰীগৰাকীৰ পেটৰ পৰা ডেৰ কেজি চুলি উলিওৱা হয় ৷
17 বছৰীয়া কিশোৰীৰ পেটৰ পৰা ওলাল ডেৰ কেজি চুলি
জানিব পৰা মতে প্ৰায় চাৰি বছৰ ধৰি কিশোৰীগৰাকীয়ে মানসিক অৱসাদ দূৰ কৰাৰ বাবে নিজৰ চুলি খাবলৈ আৰম্ভ কৰিছিল ৷ এই ধৰণৰ মানসিক ৰোগক ‘ট্ৰাইকোটিলো মেনিয়া’বুলি কোৱা জনা যায় ৷ প্ৰতি পঞ্চাশ লাখ লোকৰ ভিতৰত চাৰি পাঁচজনৰ মাজত এনে ধৰণৰ মানসিক ৰোগ লক্ষণ দেখা যায় ৷