নেশ্যনেল ডেস্ক, 30 অক্টোবৰ:93 সংখ্যক একাডেমী এৱাৰ্ডৰ বাবে শ্ৰেষ্ঠ আন্ত:ৰাষ্ট্ৰীয় ছবিৰ শিতানত কানাডাক প্ৰতিনিধিত্ব কৰিব প্ৰখ্যাত ছবি নিৰ্মাতা দীপা মেহতাৰ আহিব লগা ছবি ফানি বয়ে ৷ এই শিতানত মেহতাৰ এইয়া দ্বিতীয় প্ৰৱেশ ৷ মেহতাৰ এলিমেন্টছ ট্ৰিলজিৰ তৃতীয় খন ছবি ৱাটাৰ (পানী) এ 2007 বৰ্ষত আন্ত:ৰাষ্ট্ৰীয় ছবিৰ শিতানত অস্কাৰৰ বাবে মনোনীত হৈছিল ৷ এই ট্ৰিলজীৰ প্ৰথমখন ছবি আছিল আৰ্থ (মাটি) আৰু দ্বিতীয়খন ছবি আছিল ফায়াৰ (জুই) ৷
ফানি বয় শ্য়াম ছেলভাডুৰাইৰ 1994 চনৰ একে নামৰ এখন উপন্যাসৰ অভিকৰণ ৷ 1970 আৰু 1980 দশকৰ শ্ৰীলংকাত নিজৰ সহপাঠী ল'ৰা এজনৰ প্ৰতি আসক্ত হৈ পৰা আৰ্জি নামৰ এজন ল'ৰাৰ যৌন জাগৰনক বিষয় হিচাপে লৈ ছবিখন নিৰ্মাণ কৰা হৈছে ৷