ওড়িশা , 3 মে' : পুৱাৰ ভাগত পুৰীত খুন্দা মৰা ঘূৰ্ণিবতাহ ফেনীয়ে ধ্বংসলীলা চলাইছে ৰাজ্যখনত ৷ বৰ্তমানলৈকে 5 জন লোক নিহত হোৱা বুলি জানিব পৰা গৈছে ৷
ঘণ্টাত 175 কি: মি:তকৈ অধিক বেগত অহা ধুমুহাই তাণ্ডৱ চলাইছে ৰাজ্যখনত ৷ প্ৰচণ্ড ধুমুহা আৰু বৰষুণত পথত গছ উভালি পৰাৰ উপৰিও ধুমুহাই বহু ঘৰৰ মূধচ পৰ্যন্ত উৰুৱাই নিয়ে ৷
ৰাজ্যখনৰ আৰক্ষী তথা দুৰ্যোগ প্ৰশমন বিভাগে বন্ধ হৈ পৰা বাট পথসমূহ মুকলি কৰাৰ কামত ব্ৰতী হৈ পৰিছে ৷
প্ৰশাসনে জনসাধাৰণৰ সাহাৰ্যৰ বাবে মুকলি কৰিছে হেল্প লাইন নম্বৰ ৷
লগতে পঢ়ক : আমচাং বনাঞ্চলৰ পৰা জনাঞ্চললৈ কিয় আহে বনৰীয়া জীৱজন্তু?
উল্লেখযোগ্য যে, ঘূৰ্ণিবতাহ ফেনীৰ প্ৰভাৱত টেলিকম সেৱা বন্ধ নকৰিবলৈ নিৰ্দেশ প্ৰদান কৰিছে ওড়িশাৰ মুখ্যমন্ত্ৰী নবীন পাটনায়কে ৷ সকলো টেলিকম কোম্পানীলৈ প্ৰদান কৰা হৈছে এই নিৰ্দেশ ৷ শুকুৰবাৰে পুৱা প্ৰায় চাৰি বজাত ৰাজ্যখনত ধুমুহাৰ বেগ আছিল প্ৰায় 80ৰ পৰা 150 কিঃমিঃ ৷ প্ৰৱল বৰষুণৰ লগতে পুৰীত 80 কিঃমিঃ আৰু গোপালপুৰত 105 কিঃমিঃ বেগত পুৱাৰ ভাগত ধুমুহা আহে ৷
