নেশ্য়নেল ডেস্ক, 20 ছেপ্তেম্বৰ:ভাৰতবৰ্ষত 54 লক্ষাধিক লোকলৈ অতিক্ৰম কৰিলে কৰ'ণা মহামাৰীৰ সংক্ৰমণে ৷ বিগত 24 ঘণ্টাত দেশত নতুনকৈ 92,605 গৰাকী লোকৰ দেহত কৰ'ণা মহামাৰীৰ অৱস্থিতি ধৰা পৰাৰ বিপৰীতে 1,133 গৰাকী লোকে নতুনকৈ মৃত্যুক সাৱটি লৈছে ৷ কেন্দ্ৰীয় স্বাস্থ্য আৰু পৰিয়াল কল্যাণ মন্ত্ৰণালয়ে প্ৰকাশ কৰে এই তথ্য ৷
উল্লেখ্য যে, ভাৰতত কৰ'ণা আক্ৰান্তৰ সংখ্যা বৃদ্ধি পালে 54,00,620 গৰাকী লোকলৈ ৷ বৰ্তমানেও দেশনত 10,10,824 গৰাকী সক্ৰিয় ৰোগী আছে আৰু 43,03,044 গৰাকী লোকে অব্য়াহতি লাভ কৰিছে এই মহামাৰীৰ কবলৰ পৰা ৷ আনহাতে মন্ত্ৰণালয়ে প্ৰকাশ কৰা তথ্য অনুসৰি দেশত মৃতকৰ সংখ্যা 86,752 গৰাকীলৈ বৃদ্ধি পায় ৷