নিউজ ডেস্ক, ২ এপ্ৰিলঃসমগ্ৰ বিশ্বতে এতিয়া কৰ'ণা ভাইৰাছৰ আতংক । বাদ পৰি ৰোৱা নাই এছিয়ান দেশ সমূহো । যাৰ বাবে এই ভাইৰাছক প্ৰতিৰোধৰ লগতে উদ্ভৱ হোৱা নানান সমস্যা সমূহ দূৰ কৰিবলৈ শীঘ্ৰেই বৈঠকত মিলিত হ'ব দক্ষিণ এচিয়া আঞ্চলিক সহযোগিতা সংস্থা (SAARC)ৰ দেশ সমূহ । বুধবাৰে এই কথা সদৰী কৰা হয় ।
যোৱা ১৫ মাৰ্চত এই সন্দৰ্ভত অন্যান্য ছাৰ্ক দেশৰ সমূহৰ সৈতে ভিডিঅ' কনফাৰেঞ্চত যোগাযোগ স্থাপন কৰিছিল ভাৰতৰ প্ৰধানমন্ত্ৰী নৰেন্দ্ৰ মোডীয়ে । সকলোকে এই বিশ্ব সংকটৰ সময়ত একত্ৰিত হৈ যুঁজিবলৈ আহ্বান কৰিছিল ভাৰতৰ প্ৰধানমন্ত্ৰীগৰাকীয়ে । লগতে সমূহ আঞ্চলিক গ্ৰুপলৈ ১ কোটি টকা দিয়াৰো আশ্বাস প্ৰদান কৰে মোডীয়ে ।