নিউজ ডেস্ক, 22 অক্টোবৰ :ছেকেন্দ্ৰাবাদস্থিত প্ৰতিৰক্ষা ব্য়ৱস্থাপনা মহাবিদ্যালয় আৰু বাইছন ডিভিজনত উপস্থিত হয় স্থলসেনা প্ৰধান জেন. মনোজ মুকুন্দ নাৰাৱানে ৷ বুধবাৰে সেনাৰ এটি উচ্চ-পৰ্যায়ৰ বিষয়াৰ দলৰ সৈতে হায়দৰাবাদত উপস্থিত হয় স্থলসেনাধ্যক্ষগৰাকী ৷ সেনাৰ সৰ্বাধিক প্ৰয়োগ আৰু ভূ-সামৰিক দিশত ৰাষ্ট্ৰীয় সুৰক্ষাক লৈ বিভিন্ন আলোচনাত মিলিত হয় স্থলসেনাধ্যক্ষগৰাকী ৷
প্ৰতিৰক্ষা ব্যৱস্থাপনা মহাবিদ্যালয়ত স্থলসেনাধ্যক্ষগৰাকীয়ে সেনাৰ সংশোধন, থিয়েটাৰ কামাণ্ড আৰু আধুনিকীকৰণৰ ওপৰত আলোকপাত কৰে ৷ প্ৰতিষ্ঠানখনত উপস্থিত হৈ চীফ অৱ ডিফেন্স ষ্টাফ আৰু সামৰিক পৰিক্ৰমা বিভাগ গঠন কৰাটো দেশৰ সামৰিক আধুনিকীকৰণৰ এক মাইলৰ খুঁটি বুলি উল্লেখ কৰে স্থলসেনাধ্যক্ষ জেন. মনোজ মুকুন্দ নাৰাৱানে ৷
সেনাৰ তিনিওটা অংগৰ সংহতিৰ বাবে সুসংহত থিয়েটাৰ কামাণ্ড গঠন কৰি তিনিওটা সেনাৰ সন্মিলিত কাৰ্য্যনীতি আৰু সামৰিক গতি-বিধি নিয়ন্ত্ৰণ তথা পৰিচালনা কৰাটো দেশৰ সামৰিক সংস্কাৰৰ এক গাঁথনিগত অংগ বুলি কয় স্থল সেনাধ্যক্ষগৰাকীয়ে ৷